影片
更多
2021-01-22
314 浏览
听观众嘅介绍去咗帮衬呢间超级抵食嘅良心泰国餐厅💛痴线劲平劲好食仲要性价比极高啰！一定要大推！.佢都系位于旺角嘅良心一条街通菜街💛喺条街上面有超多有良心嘅餐厅，但系因为佢嘅位置零零舍舍凹咗入去，所以好容易俾人忽略。.其实佢真系一间比较简单嘅餐厅，环境简单，装修简单，连餐牌都好简单，其实佢主要卖四样嘢，海南鸡饭（$30），猪手饭（$30），芒果糯米饭（$18）同埋青木瓜沙律（$12），仲要四样嘢都超级抵，我买晒四样都系$90咋！Clssss!.以为咁平实有伏？咁你就大错特错啦，我想讲系四样嘢都好高质！十个正😍👍👍👍.首先梗系要食个木瓜沙律做前菜啦，分量少少但系一啲都唔hea, 每一条青木瓜丝都浸左入去佢哋自家制嘅泰色酱汁，好辣又好爽🤣.跟住试佢嘅海南鸡饭，见到佢系黄油鸡我个心都安乐啲，我好惊食果啲白色嘅泰式鸡，只鸡浸得好靓，鸡皮够爽，鸡肉亦都浸啱啱好唔会太稔而且好滑，点埋佢附送𠮶只泰式鸡酱真心好味😋佢呢只泰式鸡酱同出面有啲唔同，佢有啲似响泰国食点虾𠮶只青酱，但系用嚟点鸡又系非常之夹！呢个重点系佢个黄色油饭，你都食得出佢嘅油饭绝对系水准之上，你会见到佢只黄油饭入面有香茅，南姜仲有一啲好似月桂
.
佢都系位于旺角嘅良心一条街通菜街💛喺条街上面有超多有良心嘅餐厅，但系因为佢嘅位置零零舍舍凹咗入去，所以好容易俾人忽略。
.
其实佢真系一间比较简单嘅餐厅，环境简单，装修简单，连餐牌都好简单，其实佢主要卖四样嘢，海南鸡饭（$30），猪手饭（$30），芒果糯米饭（$18）同埋青木瓜沙律（$12），仲要四样嘢都超级抵，我买晒四样都系$90咋！Clssss!
.
以为咁平实有伏？咁你就大错特错啦，我想讲系四样嘢都好高质！十个正😍👍👍👍
.
首先梗系要食个木瓜沙律做前菜啦，分量少少但系一啲都唔hea, 每一条青木瓜丝都浸左入去佢哋自家制嘅泰色酱汁，好辣又好爽🤣
.
跟住试佢嘅海南鸡饭，见到佢系黄油鸡我个心都安乐啲，我好惊食果啲白色嘅泰式鸡，只鸡浸得好靓，鸡皮够爽，鸡肉亦都浸啱啱好唔会太稔而且好滑，点埋佢附送𠮶只泰式鸡酱真心好味😋
佢呢只泰式鸡酱同出面有啲唔同，佢有啲似响泰国食点虾𠮶只青酱，但系用嚟点鸡又系非常之夹！呢个重点系佢个黄色油饭，你都食得出佢嘅油饭绝对系水准之上，你会见到佢只黄油饭入面有香茅，南姜仲有一啲好似月桂叶嘅物体，可以见到佢系用咗好多材料心机去煮呢个油饭，而且劲香得来又够干爽，可算系我食过暂时最高质嘅油饭，非常正宗地道，当一口饭一口嫩滑嘅鸡肉真系超级幸福！.
另外佢嘅猪手饭亦都系惊艳到我，同样买$30嘅猪手饭你见到佢份量真系非常之多，去骨猪手肥瘦分布分明适中，而炆得非常之入味同埋软稔，可说是入口即溶，而且佢配猪手嘅酱汁同配海南鸡嘅酱又唔同，点猪手酱系比较酸一啲嘅，有助消除油腻感觉，真系非常之讲究，加上佢都系配高质油饭，虽然一餐食两个饭但系我系清晒，一粒不剩，仲想继续食啊😍😛
.
个芒果糯米饭可以系饭后甜品🍮本来以为$18佢会揸流摊，点知都有大大片芒果，虽然唔算好甜，下面嘅糯米饭仲要系双色添呀，紫米再加白糯米多重口感，加埋椰奶香甜软糯好味到爆啊😍😍
.
呢个价钱比到呢个质素我真心赞叹同Respect!我终于明白佢选择唔需要多，只要专心做好咁就够啦，有良心仲要咁正宗同咁高质边够你玩呀。最开心劲近我屋企🥳我以后嘅饭堂又多一间啦！
.
店名：曼谷水门海南鸡饭 💛
旺角通菜街1A-1L号威达商业大厦地下M号舖
张贴
