井茶

营业中

休息中

我同朋友系2021年4月18日，下午1点10分左右帮衬呢间喺南昌荟嘅井茶，女侍应安排我地两人坐四人枱，大约五分钟后，有两个人嚟搭枱，我问个女侍应，有冇胶板提供，佢话四人枱唔提供胶板分隔，我再同佢讲，我地相方都唔识，有块胶板放喺中间隔一隔，大家都食得安心，佢死都话唔会提供。咁我就再同另一个男侍应讲，我话：「既然你地间冰室，每张枱之间有胶板隔住，点解唔提供一块俾我地，放喺枱中间，隔一隔同枱嘅两个男食客！」，个男侍应劲无礼貌回应：「无㗎㖞，四人枱呀，提咩供呀？」，同我地同枱嘅两位食客都同佢讲：「我地大家都唔识㖞，真系要有块胶板啰！」，个男侍应劲串回应：「四人枱，无㖞！」我再睇清楚当时冰室食客数量啦！我同个男侍应讲：「你地冰室望落去，每张四人枱同两人枱都坐满食客，根据防疫规定，所有食肆嘅数量只可以系50%！而家睇落都9成坐满啦！」，佢好串咁回答：「四人枱坐四人，无话有半数规定㖞！」既然系咁，我都费事同佢讲。最后，我睇返呢间井茶嘅社交平台专页，又话冰室好跟足防疫指引，但讲一套又做另一套！讲到服务态度，呢间井茶真系超级差呀！