稻香 (淘大商場) (已結業)

成日都去打边炉往往都系去啲平民酒楼其实一早知道稻香出咗打边炉放题 不过之前一直都冇机会试 放假机会嚟喇 八点钟就去到稻香门口等已经见到人山人海 谂住攞张飞啦点知 话未够钟得晚市 咁就等咗半个钟 1到30分就问佢可以攞放题 飞 未 点知个阿姐话 拎晚市一样 𠮶一刻真系嬲咗过份又唔一早讲 咁都算啦 照拎 去到大约45分 我发现有啲唔对路 佢个萤幕多咗一项叫放题嘅攞飞 即系我又攞错喇 再问过阿姐阿姐话要攞放题飞㖞不知所谓 完全冇系统 有阵时人多都唔系咁㗎嘛经过一轮扰攘 我喺大约9点15分入到坐打边炉食物出色 我最欣赏嘅系 肥牛广岛蚝 加一蚊嘅鲍鱼呢几样都真系好抵食个肥牛咁出色食得几点都回本呀 佢仲要任食任饮嘢饮又有汽水同韩式饮料 又有中式糖水任食 最可惜嘅系冇晒南瓜西米露 得番红豆沙莲芝麻糊都冇 红豆沙唔好食好希 不过打边炉嘅最紧要 都系打边炉啫 最紧要啲料够新鲜 呢打边炉嚟讲佢嘅用料真系唔错 下次一定揾第二间再食