森港客家菜

营业中

休息中

大份、抵食、仲要好新鲜！话说今次系屋苑业主立案法团搅活动庆中秋，价钱相当优惠！4人份量，完全够6个人食。5点左右系楼下拎食物，放系雪柜到7点先开始食，居然d细蚬仲识郁！点解咁嘅价钱都可以咁高质？！唔系讲笑，猪红够滑又入味、牛栢叶滚耐左都唔觉靭、青口唔鞋，肉质够嫩（不是急冻货）、虾弹牙唔会霉、生菜青BB、 丸都有4种：贡丸、牛丸、芝士丸、蟹柳丸，肠都居然有齐厨师肠同脆皮肠…仲有粟米、南瓜、冬瓜、金菇、响铃、鱿鱼…我净系夹返d食唔晒嘅食物落保鲜袋都夹到我手软！仲有个鸡煲，d鸡肉唔鞋，好多件都系滑嘅。个人黎讲比较喜欢佢重庆辣鸡煲，不过奇味鸡煲都唔错。成个屋苑，经历左唔少事，今日见到好多隔离邻舍上上落落拎住一大袋食材返屋企，好有过节气氛👏🏻好多人都好开心啊，尤其是d长者。咁平就可以买到咁高质、咁多份量嘅食物过节。完全只要开个炉、拎d碗筷出黎就可以开餐，超级正！连豉油、葱、芫茜、金银蒜都pack埋比你。真系食得出间舖系用心对待食客/街坊！我严重怀疑老板同楼下d海鲜档、冻肉舖关系好好，所以可以入到咁新鲜嘅食材！就算下次屋苑冇搅活动，我地都会去买佢外卖火锅料或直接去帮趁！