魚心日本料理 (已結業)

呢间餐厅位置比较偏僻，餐厅环境都只系一般，但胜在够抵食，中午亦有好多学生。六旧火炙三文鱼细加州卷，配咖喱饭，都只系40蚊，寿司上的三文鱼有火炙味道，饭包住沙律汁，青瓜，好好味。日式咖哩汁少少辣，够香浓。我朋友叫左个寿司手卷套餐，份量颇多，望上去已经觉得好满足，食落味道都唔错，就系稍嫌多饭，叫呢个set如果跟拉面或者八爪鱼丸就会好啲。见到menu上面有其他午市定食，都几吸引，我谂下次可以再过来再试试。