京滬佳餚 (亞太中心) (已結業)

我真系超级钟意食中菜～！哩间京沪菜嘅四人午餐套餐除咗好味 仲要超级抵食只系$468就可以食到片皮鸭四款点心、醉鸡、红烧豆腐、菜同担担面抵食到震！而且环境环境大又干净好岩带埋屋企人嚟食！❤️💠京沪香酥烤鸭午市套餐（$468/4位用）.🔸京沪香酥烤鸭（半例）鸭皮非常脆口、唔油、有烧烤嘅香味，鸭肉有弹性唔肥，配料有烤鸭酱、青瓜、葱丝、蒜蓉，用薄饼包埋食好正！🔸招牌小笼包皮薄内有汤汁，馅料嘅猪肉好香，好食。🔸鱼子酱烧卖猪肉烧卖做得好弹牙好食，有肉香、冬菇香。🔸芝士脆虾卷炸得够脆又干身，而且几粗身大条，馅料又多。🔸京沪香葱煎饼个饼系酥皮，超级酥香，就似酥皮汤个块酥皮咁，配搭埋香葱馅，真系超香口好味！🔸花雕醉鸡鸡好嫩滑无骨，皮系爽弹的，酒味几清香，适合喜欢清淡嘅朋友。🔸家常红烧豆腐豆腐煮得好滑，配埋好多蔬菜，酱汁唔会好浓，感觉好健康。🔸鱼汤鲜腐竹浸畤蔬白菜好新鲜好翠绿，非常爽口，腐竹浸咗鱼汤，变得更加好味。🔸京沪担担面最后一人一碗面，汤底好浓郁，充满花生香，有细微嘅辣度，面条挂汤，整体好惹味！.另外，可半价加配主餐牌内任何甜品，我哋拣咗桃胶炖鲜奶，面头有好多桃胶劲足料，炖奶嘅奶味好浓，几好味。