人和月雞煲火鍋店 (已結業)

今日朋友book左人和月鸡煲住食火锅，未出发之前朋友已经话好抵食，当我哋去到坐低，环境舒适，员工有礼。头盘选择都多有酸菜鱼，又有鸡煲，又有韩国芝士鸡，但系我哋依然选择左佢哋嘅招牌麻辣鸡煲，一上枱已经闻到一阵阵嘅鸡煲香味，食落去辣辣地，啲鸡唔会好干，唔会好鞋。而且份量啱啱好，食完之后帮我哋换咗个火锅汤底有辣有唔辣，而且放题来讲，佢嘅选择都比较多。佢哋嘅火锅主力系食牛，最重要嘅系出边嘅放题通常都只系有肥牛，但系佢哋嘅牛有唔同嘅部位，就连我最钟意食嘅牛白肉，都有，选择又多又新鲜，真系值回票价，而且仲未完，佢哋仲会有当日嘅时令海鲜，全部都好新鲜，唔系雪藏嘅，最紧要嘅仲系任食。至于菜嘅方便，自己可以出去夹，食完之后总会有自助甜品，选择都好多㗎，有而家最多人钟意食嘅护院，又有仙草同埋豆腐花，食完之后真系个个都揽住个肚走。