醬缸韓國料理

营业中

休息中

不停回头帮衬嘅酱油蟹 ，暂时应该系我揾到全港最抵食 ，性价比算高。每次都要避开繁忙时间帮衬，如果唔系就排好耐，当日食饱离开之后，见到条人龙沿住楼梯排落去，劲多人。一坐低就有几款前菜，都系啲韩国传统前菜。生酱海蟹呢个系每次必嗌，一份有两只嘅酱油蟹，超级多蟹膏，蟹肉鲜甜，完全无腥味，酱油味唔会太浓味抢过蟹嘅味道。配有一碗紫菜饭，捞埋一齐食系绝配，搭配一流同无敌。牛肋骨汤上嘅时候热啦啦冒晒烟，有多旧牛肋骨、白萝卜、红枣、同粉丝。牛肉浓味，个汤清清地唔错。以上两个人食已经好足够，好饱好满足，已经系都度谂紧几时又再食，真系百食不厌。