京滬佳餚 (亞太中心) (已結業)

今日喺尖沙咀去咗一间中菜，呢度出名烤鸭，见到有个四人套餐其实几抵食，一于坐低入去试吓～京洒香酥烤鸭午市套餐（4位）$468.00套餐包左：京沪香酥烤鸭（半例），鱼子酱烧卖，芝士脆虾卷，招牌小笼包，京𪵱香葱煎饼，花雕醉鸡，家常红烧豆腐，鱼汤鲜腐竹浸时蔬同埋京沪担担面（4位）。烤鸭好出色，外皮好香脆，皮同埋肉分开上，饼皮亦都好薄，唔会一口面粉，大家都食到好满足！鱼子酱烧卖出面都好少有，一人一粒啱啱好芝士脆虾卷，好似成支雪茄咁，芝士好香浓，比较有惊喜招牌小笼包真系要小心热，因为入面好多汁，咬落去我都唔小心辣亲！香葱煎饼好松软，比我想像中好食花雕醉鸡超级正，酒味香浓，鸡唔鞋，亦都唔会苦红烧豆腐，因为本身冇乜期望，所以觉得好好食，豆腐可以吸晒啲汁，仲好滑添！至于时蔬同埋担担面就正常发挥，成个套餐大家都食得好满足，一定够晒饱，我哋仲加咗个甜品，因为可以半价加甜品，我哋要咗杨枝甘露伴雪糕，超级靓，适合打卡又好食！