Chez Bistro (已結業)

最近经朋友介绍知道呢间餐厅好好食，今次专程book位嚟食！呢度晚市都系食set，4-course dinner set。前菜可加$50转法国生蚝海鲜拼盘，包左法国生蚝、翡翠螺、北海道带子刺身、三文鱼子同牡丹虾刺身。生蚝有成只手掌咁大，入口夹脆！翡翠螺爽得来弹牙！带子刺身肥美鲜甜！是日餐汤南瓜忌廉汤，好creamy，饮落好香南瓜味！炭烧澳洲和牛西冷扒，属于厨师推介，五成熟，入面真系煎得啱啱好，少少血水，食落好香牛味，仲好有肉汁，而且有淡淡的炭香味，面头有少少焦香！甜品方面有窝夫伴Movenpick焦糖雪糕配杂果及碎杏仁，好香脆，有蛋香味，摆盘又靓，配埋雪糕一齐食，超享受！