影片
更多
2021-05-13
145 浏览
🌟 呢餐系：「食到就黎走火入魔」嘅一餐讲到Pizza Maru，相信大家第一样谂到嘅嘢一定系佢个芝加哥pizza🍕 但系你又知唔知佢其实有更加好味嘅option？🤩 由佢喺韩国嘅时候就食佢，食到佢黎香港，一开始唔洗排队到今次等位时间长达60分钟🥵 我都真系好忠实嘅fans黎架🤭 🐔半半： 甜辣秘制炸鸡 + 蜂蜜牛油秘制炸鸡 $218Total有12旧。黎到嘅时候热辣辣，咬落去第一啖就已经觉得好幸福🥰 鸡件炸得好脆，但就偏干。除咗鸡髀同埋鸡翼滑啲，其他部位都鞋嘅。我个人就觉得唔错，可以接受，但系同行嘅大家就钟意食啲juicy啲嘅炸鸡！酱汁同埋粉都好少，平均一旧鸡得一半有酱汁，另一半好似原味咁☹️ 可以唔好咁孤寒会好啲。🍕泡菜海湾 $172 金芝边 + $37基本上，9寸系唔会够食，所以强烈建议嗌12！💪🏻 其实个重点不在于个pizza，而系个金芝边！🧀 以前喺韩国生活嘅时候，超级钟意食呢只批边，离开咗之后都好难喺其他地方揾到☹️ 第一次食嘅时候，同行嘅大家一开始好L惊，但系我讲到明包底先嗌咗🤣 点知大家最后都赞不绝口，次次再去pizza maru都已经嗌呢个！😋 批边好香芝士味，加上啲蕃薯蓉
讲到Pizza Maru，相信大家第一样谂到嘅嘢一定系佢个芝加哥pizza🍕 但系你又知唔知佢其实有更加好味嘅option？🤩 由佢喺韩国嘅时候就食佢，食到佢黎香港，一开始唔洗排队到今次等位时间长达60分钟🥵 我都真系好忠实嘅fans黎架🤭
🐔半半： 甜辣秘制炸鸡 + 蜂蜜牛油秘制炸鸡 $218
Total有12旧。黎到嘅时候热辣辣，咬落去第一啖就已经觉得好幸福🥰 鸡件炸得好脆，但就偏干。除咗鸡髀同埋鸡翼滑啲，其他部位都鞋嘅。我个人就觉得唔错，可以接受，但系同行嘅大家就钟意食啲juicy啲嘅炸鸡！酱汁同埋粉都好少，平均一旧鸡得一半有酱汁，另一半好似原味咁☹️ 可以唔好咁孤寒会好啲。
🍕泡菜海湾 $172 金芝边 + $37
基本上，9寸系唔会够食，所以强烈建议嗌12！💪🏻
其实个重点不在于个pizza，而系个金芝边！🧀 以前喺韩国生活嘅时候，超级钟意食呢只批边，离开咗之后都好难喺其他地方揾到☹️ 第一次食嘅时候，同行嘅大家一开始好L惊，但系我讲到明包底先嗌咗🤣 点知大家最后都赞不绝口，次次再去pizza maru都已经嗌呢个！😋
批边好香芝士味，加上啲蕃薯蓉，甜得黎超级夹！基本上10个我介绍亲嘅人，9个都话正😍 预咗大家会讲「芝加哥pizza正啲㖞咁多芝士！」 「我呢啲芝士控都系钟意芝加哥多啲」。唔听就算啦，我自己食晒成个香港嘅金芝边😛
啱啱好用力谂究竟个pizza咩味，因为印象中冇咩泡菜..😨 呢只味就中规中矩啦，个人觉得韩式海陆好味啲。呢只就系牧场酱底，印象中番茄底同埋金芝边唔系太夹，建议大家食金芝边嘅话嗌返牧场酱底嘅pizza！😋
🐙 海鲜年糕（卡邦尼） $83
又系一样香港少见嘅嘢食～海鲜就正常发挥冇乜特别。最好味系啲西兰花（完全抢晒其他野嘅fo）😂 年糕就烟韧嘅👍🏻 个人觉得个汁/汤太稀😥 可以再杰身啲，挂到汁就会开心啲🤗
🐮红酒烩牛面颊 $162
最后唔系太够饱就嗌多咗个饭。黎到已经闻到好香蕃茄味😍平时食嘅白汁嘅risotto，食落都几特别。虽然个名话系红酒，但系食落得蕃茄味😂 饭都算烟韧弹牙，但系应该就唔系用arborio黎整🤔 但系韩式risotto黎讲，我都觉得算几似架啦👍🏻
环境质素：🌕🌕🌕🌗🌑
食物质素：🌕🌕🌕🌖🌑
CP值：🌕🌕🌕🌗🌑
回头指数：🌕🌕🌕🌖🌑
出咗咁多个po，呢个应该系我俾最高评价嘅嘢食😂 自己都觉得好似打手（其实我系）。环境算几好，坐得唔逼，唯一唔好就系真系等好耐☹️ 人均大概180-200之间。Pizza黎讲我就觉得都算系咁㗎啦。同你平时食𠮶啲湿9 xx hut，pxd根本冇得比啦。仲要过江韩国过黎，味道又真系差唔多，个人觉得算好抵架啦。😋
张贴
