心之食堂 (裝修中)

一向都知百乐中心多野食，今次同朋友来呢间餐厅，比佢既巨型牛舌饭吸引了。必食神级香葱牛舌石锅饭，卖相超吸晴，牛舌份量超多之余仲切到容易食，用左石锅来装饭，可以保温外下面仲有饭焦，脆脆哋好香口。第二个必食推介一定系胡椒猪肚汤煮蚬，胡椒味好香浓，呢个时间凉凉地饮就最岩啦。沙蚬超大粒仲鲜甜，加上清甜既娃娃菜，真系谂起都流口水啦~蟹肉忌廉饼即叫即炸，份量岩岩好，而家creamy之余仲有丝丝蟹肉鲜味。当然唔好错过串烧啦，每款都烧到好有水准，必食烧鸡肾，烧秋葵，鸡软骨，盐烧鸡翼同鲭鱼，只系简单用盐调味，已经好滋味了~最后叫左百香果柚子茶同蜂蜜柚子茶，甜度岩岩好，仲可以解去食物既油腻感。