Dirty Skillet

营业中

休息中

如果同人约会嘅话，呢一间餐厅一定系你嘅好选择，因为佢会每一样嘢都劲靓劲有特色，由餐牌嘅设计风格到食物卖相都非常之有意思。我哋首先叫咗两个早午餐，佢哋星期六嘅早午餐喺10点就已经开始，我首先叫咗一个烟三文鱼黑松露炒蛋及牛油果酱，鲜虾，脆法包 ，佢嘅黑松露好香，而牛油果酱非常之好食，配埋鲜虾好夹。同时我另外叫咗一个手切美国板腱牛肉番茄汤米通粉，煎蛋，牛角酥，佢哋嘅长通粉好好食，质感就好似米线咁样。我哋仲嗌咗一个甜品。今次嘅甜品系震震下梳乎厘奄列，呢个甜品超级有特色 佢除咗识震震下之外，佢底部仲系有旋转木马音乐盒，所以非常之有意思，用嚟庆祝生日就一流啦另外我一定要赞下佢嘅饮品，佢哋嘅水果茶甜甜地好好味，仲叫咗一个提子梳打，佢嘅提子堆叠埋一齐，非常之好睇。