小蜜蜂 (已結業)

唔洗讲太多，你哋自己由门口收银已经睇得出。试下比钱反应迟少少，个收银就开始黎料。呼呼喝喝，赶头赶命咁，但又唔见有咩客系催紧佢哋（客人唔多），系急咩呢？ 同佢讲嘢唔够大声就话我企起度唔出声，明明系佢自己冇留心听。 如果你系抖M嘅话可以照试下帮衬， 但如果你系同我一样，平日生活压力已经好大嘅人，我建议你哋唔好比钱买难受。我仲见到有啲叔叔去落单，可能只系想再确定一次有冇落错到，但已经又比人闹，话佢成日黎食，唔洗再问咁多。我再重申，间餐厅唔full,冇人等位，佢哋人手唔系少，真系唔知急咩。