八户屋和食料理

营业中

休息中

今晚我们喺屯门友爱邨做完嘢之后，我们谂起较早前喺安定邨H.A.N.D.S嘅「八户屋和食料理」食过觉得出品相当唔错，所以我们就决定再去食晚饭！我们叫咗海鲜杂锦沙律同之前嚟食嘅一样，将啲清爽嘅青瓜丝同沙律菜舖底，而面层就系多款唔同嘅刺身，再淋上啲和风沙律汁一齐食，真系好正同好夹呀！杂锦刺身拼盘系我们自己选择要边几款刺身堆砌而成，因店员话海胆同赤贝系今日送到，所以系非常新鲜，味道系极之鲜甜，海胆系超级软滑，而且啲鲜甜味仲有齿颊留香嘅感觉，真系超正呀！而赤贝就超爽滑脆身，油甘鱼有好芳香嘅鱼油香味，而且仲要系我们最钟意嘅厚切，所以口感相当丰富！赤贝寿司一上碟𠮶阵「就咁睇」个卖相就已经觉得同刺身嘅有好大嘅分别，兼知道唔系新鲜㗎，因色泽比较暗淡，味道亦唔系好够鲜味，呢样系令我们有啲失望！牛肉锅嘅牛肉肉质好松软，而且份量都几多，感觉都几抵食，但汤底嘅味道「麻麻地」，所以就扣咗啲分！炭烧蟹肉明太子玉子就不过不失，同以前食开嘅无太大嘅分别！八户龙皇卷嘅造型卖相好似一条龙咁，未食都已经觉得好吸引，寿司饭入面包著嘅系炸得好香口酥脆嘅虾天妇罗，而且炸粉亦唔会好厚身！