影片
更多
2022-07-14
341 浏览
有次同朋友去北角行街，讲起大家都困左喺香港几年冇得去旅行，好挂住世界各地嘅美食。谂紧食咩嘅时候见到有间叫小巷弄嘅小店系食台湾野嘅，我突然之间就好挂住牛肉面，之后就冲左入去。呢度除咗堂食台湾小食外，仲有好多台式饮料任君选择，睇落都好正宗。餐厅面积唔大，胜在够光猛，木系嘅装修好有台湾文青cafe嘅感觉。我叫咗个卤水大肠配肉燥干拌面，劲大碗又足料，初时仲以为好干，原来啲酱汁喺晒面下边，本人钟意食粗面多过幼面因为我钟意啲有咬口嘅食物，所以我劲钟意呢到嘅面，食落似刀削面。大肠份量多而且卤水味好出，加埋青瓜丝配料口感青新，中和油腻感，将所有野拌埋一齐真系超级满足。朋友叫左个盐酥大鸡扒牛肉汤面，又系劲大碗，牛肉汤底好特别，闻到浓浓嘅中药味但好易入口，我钟意，配合烟靭弹牙嘅面，超级入味真系必试。大鸡扒系同碗面分开上，鸡扒非常大切开一条条好细心，外脆内软，亦唔会觉得块皮好厚，超级juicy, 建议各位你真系要试吓牛肉汤面，好入味。小食叫咗个肉松蛋手抓卷饼，超级大件，每件仲要塞爆肉松，好似惊你唔够食咁，卷饼香脆可口，内里加埋肉松同蛋嘅软绵绵口感，好有层次，超级正，呢个又系必食推荐。总括尼讲小巷弄非常扺食，
我叫咗个卤水大肠配肉燥干拌面，劲大碗又足料，初时仲以为好干，原来啲酱汁喺晒面下边，本人钟意食粗面多过幼面因为我钟意啲有咬口嘅食物，所以我劲钟意呢到嘅面，食落似刀削面。大肠份量多而且卤水味好出，加埋青瓜丝配料口感青新，中和油腻感，将所有野拌埋一齐真系超级满足。
朋友叫左个盐酥大鸡扒牛肉汤面，又系劲大碗，牛肉汤底好特别，闻到浓浓嘅中药味但好易入口，我钟意，配合烟靭弹牙嘅面，超级入味真系必试。大鸡扒系同碗面分开上，鸡扒非常大切开一条条好细心，外脆内软，亦唔会觉得块皮好厚，超级juicy, 建议各位你真系要试吓牛肉汤面，好入味。
小食叫咗个肉松蛋手抓卷饼，超级大件，每件仲要塞爆肉松，好似惊你唔够食咁，卷饼香脆可口，内里加埋肉松同蛋嘅软绵绵口感，好有层次，超级正，呢个又系必食推荐。
总括尼讲小巷弄非常扺食，性价比极高，食物样样大大份，食完真系饱到上心口，味道正宗，挂住台湾嘅朋友仔极度建议尼呢到食。
张贴
