Club Albergue 1601 (已結業)

今日shopping day，大家买完野，行过见个气氛唔错，应该坐得舒服就入左去lunch。Lunch set叹到呢个高贵又轻松嘅气氛认真唔错！今日餐汤系粟米汤、沙律系红菜头沙律，沙律醋同红菜头好夹，酸酸地而且fresh。炭烧法国鸭胸伴薯蓉，好香，劲靓！鸭胸好大件，但连皮食都唔觉腻，好似据扒咁点一点旁边嘅酱汁，哈哈！可以食得好优雅。香煎比目鱼配白酒番红花汁，煎得外皮香脆，酱汁带少少花香味，有几个焗薯粒，岩哂我呢排少食淀粉嘅target。半价叫左呢度出名嘅甜品，64%黑朱古力心太软，少甜但香浓朱古力味，同雪糕一冷一热超正！芒果拿破仑，每层吉士、芒果都好丰厚，好酥脆。甜品转眼间成为全个lunch嘅重点，配上餐饮热咖啡，long lunch食到变tea set嘅feel。