MASAM (利發大廈)

营业中

休息中

🐳元朗出名，有好多美食，汉堡包都有几间唔错嘅选择，今次嚟到呢间Masam嘅小型私房汉堡包店。入面嘅装修有少少怀旧feel，但又带有现代嘅风格。🐳马森至尊套餐🐳鱿鱼虾枝🐳可乐首先想讲吓鱿鱼虾枝，虽然要加$5 ，但系都可以值得一试，因为佢入面系有鱿鱼和虾，之后用春卷皮包住炸，非常特别。至于个汉堡包就劲大个，因为有好多唔同嘅材料，每样材料都独立烹调，最后整成呢个汉堡包，所有材料夹埋一齐食口感非常丰富。🐳鹅肝牛肉汉堡套餐🐳薯条配黑松露酱🐳白桃冷泡茶薯条配黑松露系我嘅至爱，真心讲句，佢哋又真系整得好唔错，薯条新鲜即炸，长度阔度厚度刚刚好，好正！另外汉堡包有劲大块鹅肝喺上面，如果钟意食鹅肝嘅朋友，可以只系品尝鹅肝，非常正，但系如果想尝试食鹅肝嘅朋友，就可以夹喺汉堡包入面一齐食。