影片
更多
2024-09-27
132 浏览
讲真呢间餐厅嘅食物质素真系冇乜问题, 我每次都会叫卤肉饭, 热咖啡, 所以可以肯定佢嘅食物质素系保持到的.因为时间就唔啱, 应该最少有几个月冇帮衬喇, 今日终于有时间, 特登由湾仔落到嚟鲗鱼涌, 讲真呢一区都有其他餐厅不过我就都挂住佢个卤肉饭, 所以完全唔考虑食其他餐厅, 点知真系畀佢个服务激气到我好有机会以后唔会再帮衬！！！我到餐厅嘅时候大约两点半, 餐厅大概八成满座, 但系仲有吉枱的. 仲有一张大枱, 好似系坐到六至八个人, 放满晒“留座”嘅牌响枱面.我入到去我话一位, 收银机有个阿姐指我去一张, 已经坐咗三个人嘅枱同人搭枱. 由于我都帮衬咗好多次所以熟悉佢啲座位系点, 我望到一张四人吉枱, 我就冇出声自己行去坐, QR code落单, 本来都相安无事...卤肉饭嚟咗, 咖啡嚟咗, 咁我就开始进食啦.过咗五分钟, 我仍然专心食紧我嘅late lunch, 突然听到拍枱声, 𠮶下真系吓咗我一跳！原来有个婆婆侍应想叫个客过嚟坐我呢张枱, 搭枱. 畀佢吓完之后真系坚系有少少嬲嬲哋！！ 果位男士都见到餐厅最后有张二人枱, 佢就坐咗过去.之后我真系越谂越嬲, 拍枱呢个动作劲骑呢！！讲真仲要拍
因为时间就唔啱, 应该最少有几个月冇帮衬喇, 今日终于有时间, 特登由湾仔落到嚟鲗鱼涌, 讲真呢一区都有其他餐厅不过我就都挂住佢个卤肉饭, 所以完全唔考虑食其他餐厅, 点知真系畀佢个服务激气到我好有机会以后唔会再帮衬！！！
我到餐厅嘅时候大约两点半, 餐厅大概八成满座, 但系仲有吉枱的. 仲有一张大枱, 好似系坐到六至八个人, 放满晒“留座”嘅牌响枱面.
我入到去我话一位, 收银机有个阿姐指我去一张, 已经坐咗三个人嘅枱同人搭枱. 由于我都帮衬咗好多次所以熟悉佢啲座位系点, 我望到一张四人吉枱, 我就冇出声自己行去坐, QR code落单, 本来都相安无事...卤肉饭嚟咗, 咖啡嚟咗, 咁我就开始进食啦.
过咗五分钟, 我仍然专心食紧我嘅late lunch, 突然听到拍枱声, 𠮶下真系吓咗我一跳！原来有个婆婆侍应想叫个客过嚟坐我呢张枱, 搭枱. 畀佢吓完之后真系坚系有少少嬲嬲哋！！ 果位男士都见到餐厅最后有张二人枱, 佢就坐咗过去.
之后我真系越谂越嬲, 拍枱呢个动作劲骑呢！！讲真仲要拍得唔系细声唔系细力！我叫𠮶个婆婆侍应过嚟话畀佢听, 佢就嬉皮笑脸咁话：佢拍得大力咗㖞. 讲真我真系从来冇见过侍应要客过嚟坐呢个位要拍张枱啰, 通常都系指下个位或者摸一摸张凳示意. 依家我谂返呢个举动可能系不满我自己一个人坐咗张四人枱？！
有段小插曲有人厚多士 - 之后我就拍张枱几下, 因为对于呢个举动我真系拗晒头？！跟住喺我后面传嚟一个阿叔嘅声：做乜拍枱呀？！原来坐我后面有个阿叔食客, 我解释畀佢听个婆婆侍应咁样做, 佢𠮶下又话：哦, 咁就唔啱啦..咁. 之后又串我话食𠮶几廿蚊系咁上下啦等等之类呢啲说话, 我问佢：咁呢个唔答案你满唔满意呀先生！？佢就即刻戴头盔：你唔使同我交代㖞. 我答佢：咁你问我做乜拍台呀嘛咁我咪回应你啰, 即系无啦啦唔会拍枱, 唔通白卡咩！？跟住佢收咗皮..
呢啲写字楼阿叔系咪好寂寞要揾人拗水吹呢, 咁多事嘅？！
仲有一样嘢好奇怪, 我差唔多食到七七八八, 另一个婆婆侍应就走嚟开个柜桶加添食具, 依家谂返佢好似净系去咗我𠮶张枱去做呢个动作, 同埋好似有去另一张枱, 好似唔系张张枱都有去加添食具. 呢个举动我而家谂返, 都系啲骚扰行为, 应该都系不满我自己走去坐咗张4人枱, 所以系都要做啲嘢滋扰我！！
由我入餐厅到我离开前后大约半个钟, 呢啲小人做埋啲咁样嘅动作去骚扰一个顾客, 都几匪夷所思！！
我睇返呢间餐厅嘅其他食评, 好多都系批评佢哋嘅服务好恐怖, 原来佢哋早有前科！！香港饮食业越嚟越退步, 其中一个失败原因大概就系请埋呢啲咁嘅质素嘅员工！！因为个客“唔听话”, 所以就不断做啲小动作去骚扰个客, 好似去惩罚佢咁！！我估我唔系唯一一个, 佢哋应该好熟练地, 一贯地, 用呢一啲滋扰性嘅动作去报复啲“唔听话”的客人！！
以上所讲嘅嘢句句属实冇夸张冇失实, 欢迎餐厅老板睇返9月26日下午两点半至三点呢个时段嘅cctv, 我亦唔介意亲身再和呢间餐厅嘅老板对质. 我希望他朝有一日我再帮衬呢间餐厅嘅时候, 啲劣质员工已经不在！！！
张贴