水門泰式海南雞飯專門店 (已結業)

我同老公見新開個food court咪試下囉，點知中伏，Lunch 叫咗個海南雞髀飯同香葉肉碎蛋飯，兩杯泰式檸檬茶，先講海南雞飯，啲油飯完全未熟，硬到食唔到，個汁不是另上，已𣺉晒喺啲雞上面，不過只有少少，雞髀肉還算可以！香葉肉碎蛋飯完全唔係泰國菜嗰d， 係似屋企普通嘅肉碎炒豆角，老公話冇乜味，自己整仲好食過佢！最後係杯泰式檸檬茶先係最恐怖，嗰個茶味怪到難以形容，飲咗一啖已經無辦法可以飲落去，最後成個lunch好似冇食過咁！真係冇下次！