泰 (銅鑼灣廣場二期) (已結業)

今晚约左个好耐无见嘅朋友食饭，佢好中意泰国菜，我就拣左铜锣湾呢间泰，我地唔想谂食咩，见二人餐好抵食就叫左，太多嘢食我地都要外卖番屋企。明炉椰汁鸡汤椰汁味香浓，奶白色的鸡汤十分甜，鸡肉仲好嫩滑。青木瓜沙律份量多，青木瓜爽脆，酸酸甜甜几开胃。泰式串烧我地要左两串牛肉两串猪肉，一定要趁热食，沾满花生酱超级惹味。海南鸡半只肉质嫩滑，一点都唔鞋，鸡皮爽口。泰式炒杂菜有镬气，少少辣辣地，好食。泰式鲜虾炒金边粉鲜虾大只肉质爽口弹牙，金边粉酸甜加左好多配料口感丰富。芒果糯米饭我地餐可以另加$28就有一个甜品，芒果香甜，加上热辣辣软糯嘅糯米饭再加椰浆真系大满足。椰青清甜可口，透心凉，椰肉仲可以刮出黎食。