御品·千之味 (大全街) (已結業)

每次中午想食日本野都会谂起依间餐厅，佢嘅餐牌选择多，鱼生饭、乌冬或者熟食都有。最平嘅餐$40就有交易，本身已经包饮品。然后再加$28可以升级多个沙律、螺肉、小食。觉得升级几抵食所以每次嚟基本上都会加钱，多啲野食成个set咁开心啲。而小食可以五选一，其中有一个系组合系饺子、辣味鸡翼(各两件)，亦都系我成日拣嘅款式。我都几中意食依个照烧鸡排定食，虽然系最平但分量十足，cp值够高。点餐系扫QR Code，所以都几方便，而且落完单野食都好快送到。因为野食分量真系颇多，我通常都会拣少饭，食完都已经觉得好够饱。鸡排外皮脆肉够嫩滑，食落唔会干柴，夹埋照烧汁好送饭。因为之前好多时喺其他地方食照烧鸡排都会觉得overcook，所以个人觉得几满意依间餐厅嘅鸡排，而且佢次次都可以keep到依个水准，唔错几好食。而其他食物味道正正常常，保持一贯水准，$68有咁多野食我觉得几抵食，每次都食到非常满足。再加上又系黄店，所以都会经常嚟帮衬。