肉餅哥小炒料理 (已結業)

去开荃湾，上openrice揾食。见到新开的肉饼哥，一见到肉饼二字已流哂口水，皆因我系一个超级钟意食肉饼的传统港女，平时去开茶记，肉饼都是我的不二之选！见到啲食评，决定一定要去试！去到位置唔算难揾，肉饼哥离远已好抢眼，亦见人潮。同几位同事等左3,4个字就有位。其实我钟意食蒸肉饼，但唔系好多地方有煎的，决定一试，亦点了肉饼哥的招牌菜-原只龙虾煎肉饼，由于肉饼制作需时，所以预了要等，即叫即煎。一上枱。。。等得真系好有价值！！！真系冇老点，成只龙虾华丽地拼上肉饼仲要系连钳，连埋虾头，啖啖肉亦有糕一食就知真系新鲜，啲肉好有鲜味，没有加味，真正的原有鲜味！ 消灭左个钳，就到主菜肉饼，估唔到连个肉饼都充满龙虾肉，好有口感，而且肉饼肉不淋，最怕落松肉粉的淋淋肉饼！煎肉饼好香口，唔食饭的话我真系食到两块我选了菜饭配搭，送饭真的一流份量亦十分大，我就觉得真系好抵食！重口味者可加肉饼特制鼓油配搭，我个人就喜欢原汁原味的鲜味。肉饼哥真的有惊喜，眼见仲有30几款肉饼款式，我一定会再黎肉饼哥逐一试试下次试下蒸的