影片
更多
2012-03-11
1347 浏览
12月13日, 因为夜晚睇戏想食下小食, 所以晚饭就揾d唔系咁full嘅野食~ 谂起食常餐就会啱啱好, 就嚟咗呢间以北海道牛乳炒蛋出名嘅港日式茶餐厅~ 我地之前食过中环嘅, 食物特别之余味道都唔错, 今晚试下佢地嘅第一分店先~::: 北海道套餐 ::: $36 + $2正常地呢个全店推介套餐我地唔可以唔叫, 上次我地都有食~ 炒蛋同样地都系以滑见称, 个滑溜感真系一切开个蛋就有d蛋酱流出嚟~ 蛋味十分丰富, 不过都系唔系好食得出牛乳味. 火腿好似比之前细块咗, 味道都系一块普通火腿咁, 唔算特别. 要赞下厚多士嘅牛油一d都唔孤寒, 仲搽得好均匀, 牛油味丰富嘅多士更加出色, 面包够香, 不过唔够脆. 叉烧通粉嘅叉烧明显份量少咗, 亦比较细粒, 味道同烧味店嘅差唔多. 要赞嘅始终系佢嘅汤底, 好够thick好似忌廉汤, 味道真系十分浓郁, 一路食通粉一路饮埋d汤一滴不漏~冻咖啡应该都加咗北海道牛乳, 咖啡味道几够, 奶味都好足, 几平衡, 唔错~::: 公司三文治 ::: $35本身唔想食多一个餐咁饱, 就拣个小食食啦~ 以为呢个公司三文治系细细件, 唔慌大得去边, 点知嚟到先知大件事!
::: 北海道套餐 ::: $36 + $2
正常地呢个全店推介套餐我地唔可以唔叫, 上次我地都有食~ 炒蛋同样地都系以滑见称, 个滑溜感真系一切开个蛋就有d蛋酱流出嚟~ 蛋味十分丰富, 不过都系唔系好食得出牛乳味. 火腿好似比之前细块咗, 味道都系一块普通火腿咁, 唔算特别. 要赞下厚多士嘅牛油一d都唔孤寒, 仲搽得好均匀, 牛油味丰富嘅多士更加出色, 面包够香, 不过唔够脆. 叉烧通粉嘅叉烧明显份量少咗, 亦比较细粒, 味道同烧味店嘅差唔多. 要赞嘅始终系佢嘅汤底, 好够thick好似忌廉汤, 味道真系十分浓郁, 一路食通粉一路饮埋d汤一滴不漏~
冻咖啡应该都加咗北海道牛乳, 咖啡味道几够, 奶味都好足, 几平衡, 唔错~
::: 公司三文治 ::: $35
本身唔想食多一个餐咁饱, 就拣个小食食啦~ 以为呢个公司三文治系细细件, 唔慌大得去边, 点知嚟到先知大件事! 哗堆到成个蛋糕咁, 份量直头拍得住成个餐! 多士系厚切唔在讲, 炒蛋都成两寸厚, 加埋已经堆到成座山~ 仲要加埋叉烧、火腿、午餐肉同芝士, 真系一个大杂烩咁~ 啖啖肉你都咪话唔滞… 但系真系好充实, 真材实料, 蛋味肉味芝士乜都有~ 不过多士都系唔系好够脆, 烘㶶多少少会更好. 呢个份量真系足2人食~
今次误打误撞之下食到个咁好食嘅公司三文治, 超级惊喜~ 不过服务系需要改善嘅, 唔系太识得做, 收银手脚又慢~
张贴
