Pizza Maru (已結業)

好耐冇食過Korean food啦，今日專程同朋友過海嚟食新派韓菜，特登黎品嚐下超級多好評嘅Pizza！下午大約一點嚟到，餐廳都有唔少人，大部份座位都坐滿，但座位空間闊落，所以坐得幾舒服😌見到個餐牌真係唔知點揀，Pizza種類好多，款款都好想試！呢度嘅Pizza其中一大特色係綠茶餅底，入面混入左好多天然穀物，咁食Pizza都食得健康啲😎。諗左好耐，終於揀咗呢款群蟹派對，一上枱已經傳來陣陣木魚香，嗰種魚香難以形容，聞到都已經流晒口水。大家睇圖，無須解釋，餡料嘅份量多到瀉😍💕仲要有超級多cheese ，全部都有拉芝效果omg，芝士勁香口，仲好有口感最大特色在於呢個摩卡脆邊，有少少似咖啡味曲奇，裏面包左芝士，外面好鬆脆好香口，裏面就口感軟熟，邊緣上面有適量焦糖醬，亦增加味道層次感，雖然要加$26 ，但都係抵嘅。