Commix Bar

营业中

休息中

今日同朋友放工念住坐低饮杯野倾下计，经过呢间bar见到装修新正，座位都舒服，一试之下，发觉cocktail 同小食都超级高质！Signature cocktail 超吸睛🤩杯杯都好吸引。Peach paradise $115第一次饮peach hoegaarden, 加埋vodka同几款果干，整体感觉几清新，淡淡的peach味，酒味吾会太浓，几清甜😋好大杯！Mexican mojito $115好大枝香茅🤣初头仲以为饮管。薄荷叶清新够fresh! Tequila酒味几浓，小酒宜情😁食物menu有两版，超级多元化美食🤣有日式，西式，中式，川式都有😆麻辣牛肉粒$85估唔到酒吧餐厅有中式料理，仲要超乎想像咁好食😱牛肉粒好淋，有小小筋，小小肥，麻辣汁好香，牛肉入晒味，真系不得了咁好食👍🏻👍🏻炸鱼薯条$105 炸鱼又系另一佳作，鱼柳size正常，但炸得外脆肉软，鱼肉几厚身，炸粉超薄。粗薯条炸得好脆，加左小小辣粉同海苔粉，超级惹味。蟹肉烩意粉$105一上枱超香蟹膏味，同埋好大碟。蟹肉份量都几多，仲有蒜片同蟹子，好滋味😋呢度原来夜晚10:15pm后有live band ，下次一定要再黎睇下。