影片
更多
2018-05-18
470 浏览
最近系妈妈嘅生日，于是就豪洗一笔请佢食佢最钟意嘅日本野，虽然价钱唔平，但系味道果然对得住个价钱我地2个都食得非常开心。店内环境舒服清静，岩晒慢慢食同倾计。前菜分别有高野豆腐、蕃茄伴蛋黄酱同埋牛蒡丝。高野豆腐食落似冷藏豆腐嘅质感，但系冇咁硬，就好似海棉咁吸左好多汁，咬落就放番晒出黎，口感同味道都非常新鲜。而蕃茄就非常清甜，冇平时食蕃茄嘅果种腥味。牛蒡丝食落非常脆，食落酸酸地咁相当开胃。之后就到刺身拼盘了，分别有水八瓜鱼、真鲷、牡丹虾同埋八爪鱼嘴。系香港好难食到好食嘅八爪鱼刺身，而呢度嘅八爪鱼就系难得嘅其一。 呢度嘅水八爪鱼非常有咬口，唔会好似平时系放题食到果啲咁咬极都唔烂。真鲷 属于味道较淡嘅鱼生，慢慢咀嚼下就会食得出鲷鱼嘅鲜美。呢度嘅牡丹虾系我食过最好食嘅牡丹虾，没有之一! 师傅将虾脑酿入去虾肉入面，一齐食嘅时候有浓郁嘅虾膏味，非常鲜美。之后嘅五款寿司分别系带子、深海池鱼、海鳗、春鱼同衣木鲷。 带子相当厚身，咬落满满都系带子独有嘅清甜味。而深海池鱼对比起平时食到嘅池鱼幼滑同鲜甜，感觉非常新鲜。海鳗则有浓郁嘅鳗鱼味，食落非常肥美好食。 春鱼同衣木鲷味道相似，而春鱼口感则入口即溶，两者都相
店内环境舒服清静，岩晒慢慢食同倾计。
前菜分别有高野豆腐、蕃茄伴蛋黄酱同埋牛蒡丝。高野豆腐食落似冷藏豆腐嘅质感，但系冇咁硬，就好似海棉咁吸左好多汁，咬落就放番晒出黎，口感同味道都非常新鲜。而蕃茄就非常清甜，冇平时食蕃茄嘅果种腥味。牛蒡丝食落非常脆，食落酸酸地咁相当开胃。
之后就到刺身拼盘了，分别有水八瓜鱼、真鲷、牡丹虾同埋八爪鱼嘴。系香港好难食到好食嘅八爪鱼刺身，而呢度嘅八爪鱼就系难得嘅其一。 呢度嘅水八爪鱼非常有咬口，唔会好似平时系放题食到果啲咁咬极都唔烂。
真鲷 属于味道较淡嘅鱼生，慢慢咀嚼下就会食得出鲷鱼嘅鲜美。
呢度嘅牡丹虾系我食过最好食嘅牡丹虾，没有之一! 师傅将虾脑酿入去虾肉入面，一齐食嘅时候有浓郁嘅虾膏味，非常鲜美。
之后嘅五款寿司分别系带子、深海池鱼、海鳗、春鱼同衣木鲷。 带子相当厚身，咬落满满都系带子独有嘅清甜味。而深海池鱼对比起平时食到嘅池鱼幼滑同鲜甜，感觉非常新鲜。
海鳗则有浓郁嘅鳗鱼味，食落非常肥美好食。
春鱼同衣木鲷味道相似，而春鱼口感则入口即溶，两者都相当好食。
烧猪颈肉就食得多，烧鸡颈肉就只系系呢度食过。呢度嘅鸡颈肉系用走地鸡制成，颈部嘅肉属于活肉，比起其他部位嘅肉会较为嫩滑，食落外脆内软。
跟住就到呢个小长井蚝刺身，同平时食到嘅生蚝唔同，日本嘅生蚝往往较大只同有肉地，而呢只小长井蚝亦一样。小长井蚝边有金黄色嘅小酸珠，取代左平时食生蚝落嘅柠檬汁，生蚝食落非常鲜美，完全冇平时食蚝嘅果种腥味，有嘅只系甜味，非常新鲜。
之后就有海胆寿司、 赤贝卷、 赤贝寿司、 烧拖罗同左口鱼边寿司。赤贝寿司系用师傅岩岩开嘅赤贝制成，食落非常新鲜爽口。 海胆寿司所用嘅海胆亦非常之新鲜， 食落有非常浓郁嘅鲜甜味。 左口鱼边烧至半生熟， 入口有香浓嘅鱼油，非常肥美。
最后呢个吞拿鱼饭上面铺满咗吞拿鱼粹，味道相当鲜美。
整体而言呢次厨师发板所有嘅食材都非常新鲜， 亦睇得出厨师系用心咁样去配搭过所有嘅食材，非常值得推荐。
张贴
