Aurora Fusion Restaurant (已結業)

今次黎到尖沙咀新开幕位于亚士厘道嘅西日Aurora Fusion Restaurant ☺️系夜晚嘅环境，餐厅嘅霓虹灯招牌，特别吸引，好似漆黑中嘅极光。而佢就正正可以表达出去啲名嘅意思🤩好啦首先由于临近Halloween🧟‍♀️，舖头好用心将成个气氛融入环境。而餐厅内有唔少嘅卡位，座位非常宽敞舒适。之后又要大赞下佢哋嘅服务态度，佢哋又供应口罩套，另外佢哋会好细心咁推介舖头嘅食物。餐牌里面有好多各式各样嘅西日菜，选择系非常之丰富。我同我同事点左上级寿司拼盘八贯，美国牛柳10oz 配牛油新薯同埋香蒜大蚬🤤首先黎到嘅寿司拼盘摆得非常之精致，另外大大赞下佢哋有非常之细心嘅位就系寿司可以拣火炙。佢哋嘅寿司件件新鲜，大部份都入口即溶，特别海胆鲜甜而佢哋最大嘅特点就系佢哋嘅寿司饭系用赤醋，所以呢特别开胃❣️之后黎到嘅系美国牛柳，牛味浓郁，煎得香口，入口即溶。薯蓉都好滑！另外仲配有蔬菜🥦最后佢哋嘅香蒜大蚬，真系令人大开眼界。只只蚬都好大只，好入味，另外配上蒜蓉包更加突显到蚬肉嘅香味❤️最后环境配上良好嘅服务态度加上精致嘅美食，呢度回头率真系好高！