熊貓小雲吞 (黃埔天地) (已結業)

連鎖川菜專門店「熊貓小雲吞」喺黃埔開咗新分店，鍾意食麻辣川菜嘅我，第一時間去品嚐。店舖有四川涼麵、撈麵、雲吞，涼拌小食等，甜品同飲品都有好多款選擇，連自家製醬料都有得賣。黑醋涼拌木耳木耳爽脆，酸酸地，非常開胃。 一口豚肉韭菜雲吞，皮薄足料嘅雲吞配上蝦米紫菜湯，一啖一粒，味道好豐富。 椒麻豬耳朵川式涼麺豬耳又爽又脆，加上豌豆、香蔥同青瓜，醬汁麻香微辣，麵條掛滿醬汁，好煙韌彈牙。肥牛金針菇重慶酸辣粉爽滑嘅薯粉加上嫩滑肥牛,酸度同辣味配合得啱啱好，唔會好辣。軟糯香甜紅糖糍粑紅糖糍粑加上糖漿和黃豆粉，炸製後，外面脆，內里軟糯，甜甜地，係我最喜歡嘅甜食之一，每次必叫。飲品係雪櫃拎，款式有氮氣西柚柚子茶、冷泡洛神花茶，水果茶同冷泡茶等。跟餐嘅茶飲有雪梨茶，蘋果茶，洛神花茶等。我要咗茉莉花茶 ，茉莉花茶有淡淡的茶香，唔會太甜，食完嘢，飲就最解膩。