螢火

一入到去，首先就被餐厅的环境吸引，设计得浪漫又美丽，特别系啲LED屏幕，仲可以用iPad写下你嘅愿望打卡用天灯许愿！感觉好有趣同特别，为整个用餐经历增添咗一份快乐！仲有免费清酒任饮！我地选左商务精选午餐（$540）同商务特选午餐（$640）～ 2个餐都真系好丰富！而且每一款套餐都包咗免费清酒任饮😍套餐包括野生拖罗刺身，用火烧好了表面！质地滑口又肥美！味道鲜美，配搭沙律，清新又开胃。最特别嘅系南非鲍鱼，肉质鲜嫩，入口即化，仲有清酒煮蚬，味道浓郁，啖啖都系鲜味！美国牛肉薄烧&厚烧都好好味呀！肉质都好极品，绝对值得一试。另外，套餐仲有埋樱花虾炒饭！真系唔可以错过，炒得香喷喷，加上荷包蛋，口感一级棒。仲有开心果雪糕！而商务特选午餐，内容更加丰富，包括沙律、澳洲龙虾、帆立贝，清酒煮蚬，仲有美国牛肉薄烧&厚烧，真系好满足。最重要嘅系，餐厅仲提供两小时任饮清酒，对于钟意酒嘅朋友来讲，真系一大享受。可以配合美食，慢慢品味，享受一个悠闲嘅午餐时光。如果想要一个更私密嘅用餐空间，餐厅仲可以订房，适合庆祝特别日子，或者同朋友聚会。