616牛肉火鍋專門店 (白楊街) (已結業)

因为见到有牛骨汤底，但系又好想食沙嗲汤底，所以最后叫咗鸳鸯沙嗲配牛汤底～牛骨汤底超好饮，一开头当汤咁饮咗先～饮完之后再打边炉，个牛骨汤底入边仲有好多牛筋！非常之好味！牛肉我哋就叫咗信州和牛肩胛，信州和牛腹肉～还有牛坑爪！3款牛肉都好好味！信州和牛肩胛油脂分明！食落好香口，口腔内好有牛香味！我哋仲叫咗台式蛋饺，娃娃菜，豆腐打边炉咁食～ 不得不提台式蛋饺真系好好食～ 蔬菜类用牛骨汤底嚟打边炉真系超级入味！手打墨鱼滑真系超级滑同爽口弹牙！配埋餐厅提供嘅牛肉酱汁，识落真系非常鲜味！惊喜之选，就真系鲜制手打乌冬啦！我哋加咗落去沙嗲汤底入边，真系超级超级好味！个手打乌冬好弹牙～加埋沙嗲一齐有啲甜味！一个好好嘅口感配合埋完美嘅味道！我哋饮咗乌梅汁～酸酸甜甜又开胃！