爆丼屋 (已搬遷) 新店位置

今日同男朋友去咗旺角嘅爆丼屋度食午餐 餐厅经过装修咗之后地方更加阔落 几好坐㖞 楼底好高空间感十足叫咗个招牌嘅三段重大极上丼 上枱真系十分惊讶同舖头名一样爆丼呀 最上系日本海胆 味道鲜甜入口甘香油润 中间系劲多片嘅肥美大拖罗 肉质呈粉红色极度新鲜 令人胃口大开 拖罗入面嘅脂肪分布平均 入口即溶嘅感觉一啲筋都冇 下面就系松叶蟹肉 鲜味十足食得出好新鲜 最底就系满满嘅丼饭 已经叫咗少饭都食唔晒十分足料重量级烧牛扒丼 上面系满满嘅牛扒 生熟度烧得啱啱好 外面焦香入面仲系粉红色 牛肉味浓郁 加埋特制嘅日式烧汁送饭一流金鱼缸芒果沙冰 建议两个人先好叫 因为真系极度大杯 上面系满满嘅芒果同忌廉十分香甜 芒果沙冰甜度啱啱好 好透心凉