竹串日本料理 (已結業)

终于都过左个慢长一星期，又到左星期六放假，个人都特别轻松，相约朋友食午餐倾下计聚一聚，去左依间日式料理餐厅，虽然位于楼上铺，刚好系美食街中，所以并唔难揾，我地一人叫左一个套餐一齐食每个餐都包沙律、味噌汤同螺肉小食，先送上填下肚仔先，话咁快先上极上鳗鱼丼饭，之后再送上极上鱼生饭极上鳗鱼丼饭卖相已经好吸睛，好大条既鳗鱼放系满满既饭上，鳗鱼食落肉厚肥美，入口好滋味多汁，完全唔系普通食到既咁薄身，咀嚼时仲有厚肉口感，鱼骨又唔会好多，好正呢极上鱼生饭鱼生饭中有六款刺身，有带子、牡丹虾、三文鱼、呑拿鱼、油甘鱼、海胆，每款刺身都非常新鲜，重点系件件都系厚切，海胆食落亦非常鲜甜无苦味，拌饭食真系正，不得不赞油甘鱼同带子口感爽嫩无比，唔洗点酱油食都好鲜甜，满满邪恶感呀