阿爺燒鵝餐室

营业中

休息中

早排经过大围，见到呢间阿爷烧鹅餐室好似新开张， 几次都想嚟试下， 今日咁啱经过， 见佢门口卖嘅烧味色水好靓，可惜限制聚令， 唯有买返屋企，同家人一齐分享。 熏蹄够爽口，啖啖肉，而且每一件都好平均，就算垫底嘅都唔会畀啲头头尾尾， 每一件大细都差不多，而且脂肪比例刚刚好，口感十足烧腩仔个皮超脆 ，肉质十分柔软，味道好香，就算外卖回家，外皮都系一样咁松脆！烧腩仔平时都食好多， 但系这间嘅烧腩仔，有三层口感，皮脆、 中间位置少少肥肉但系好柔软、 最尾嘅位置就十分烟韧， 够晒咸香味！