五福園

营业中

休息中

好耐之前食过扁肉，一试难忘，一路都想再去食，最近深水埗开左呢间福建菜即刻仆去同朋友试，餐厅环境不错，而且店员系落单会介绍下佢地既主打菜，叉烧肠唔同茶楼个啲厚皮，呢只系薄皮，超级滑好中意！！而且豉油不咸且鲜，听完职员推介我拣左牛腩罐罐面，试新嘢，汤底味道浓郁，由好多唔同药材煲埋，包括杞子，冬菇，虫草花，红枣等，非常养身，唔怕饮埋个汤，牛腩吸收晒汤底味道，朋友叫左最出名既扁肉面，另外我地都加左细古法扁肉，先饮汤，清甜又带点麻香味，扁肉用新鲜猪肉整吸收埋汤，再配埋香葱，好好味呀！食咁多野埋单都系122，超亲民，一定推介，支持小店！