自家味道 (已結業)

睇戏前唔想食太heavy嘅野，于是嚟呢度食吓蒸鱼啦，清清哋！入到嚟，好干净企理，正！不过选择就真系多到眼花撩乱，包括蒸鱼套餐、手作饺子、炒粉面、小食、生滚汤饭, 客饭及汤面等，净系拣野食都有排拣呀真系！木耳及青瓜 ($36)青瓜又超多蒜蓉，正到爆！爽口嘅木耳酸酸哋，非常开胃蒸鱼套餐 ($64)可以清蒸、豉汁蒸、剁椒蒸、面酱蒸、鲜柠蒸及煎封，正！我拣咗条豉汁蒸黄立䲝，睇见个名都流口水！黄立䲝新鲜，肉质甜美嫩滑。平时我好唔钟意啲蒸鱼落熟油嘅，但呢度系唔落㗎㖞，可以食到鱼真正嘅鲜味！店员有推荐我哋食肉燥饭，但晏昼先食完，夜晚唔想再食，而且食蒸鱼捞鱼汁，始终都系白饭夹啲吧！紫菜三鲜饺配健康豆浆鲜鱼汤 (7只$33)店员推介佢哋自己包嘅饺子，所有叫咗7只试吓！汤底超鲜甜零味精，鲜鱼味浓郁，好想饮晒佢不过好饱，饮唔落！紫菜三鲜饺超大只超多馅，粒粒好饱满，紫菜味香浓而且冇沙，好正！柠蜜由于呢度系主打健康食物嘅，所以系冇茶冇咖啡，咁我唯有饮柠蜜啦，OK啦冇乜特别黑糖姜蜜反而呢个就好吸引，姜味够晒浓，辣中带甜，饮完暖晒店员服务殷勤，好有小店𠮶种人情味，食物平靓正又冇味精，每人只需要$60几蚊，抵食到不得