冬蔭公公 (已結業)

这天跟老婆大人同外父，外母吃晚饭一行入商场就见到冬荫公公就拣佢啦！饮品三人不约而同拣咗咸青柠梳打，好饮㖞唔太甜，有少许咸味唔错，不过冰就多咗啲啲。冬荫公(BB辣)可以自选辣度，啱晒怕辣的我，汤内有不少菇菇还有只中虾，味道好香浓小辣啱晒我正呀。酸辣凤爪/半份，冇骨凤爪最令人喜欢，味道酸甜不辣啱我呢！泰式虾饼OK㖞，热辣辣炸起，食落弹牙有虾味掂呀。烧牛筋丸就一般，没有惊喜。烧海中虾就好新鲜，仲要有少少咖哩味好特别架。鲜鱼汤粉本身有萝卜，金菇，芽菜等配料，然后再好似车仔面咁自选𩠌料，每种𩠌料有唔同价钱，我哋点了豆卜，枝竹，鸡丝共要$64，看上似好贵，但系呢碗粉份量够我哋4人分嚟食呀，而且鱼汤更系鲜甜好味，值得值得。海南鸡饭转脾加咗8皮，有齐三色酱同老火例汤，鸡肉皮爽肉滑掂呀，油饭对我而言就未够油润香口，但十分合健康一族的人仕。