影片
更多
2023-10-15
30 浏览
今晚老板请食饭， book左间私房菜， 可以慢慢叹， 唔怕比人赶。 原来呢间私房菜大有来头， 系一间位于广州嘅老字号酒家。老板娘想爸爸嘅独特创新菜色继续发扬光大， 所以就喺尖沙咀广东道设立呢间私房菜。全间私房菜得2张大枱，一间Privacy Room, 所以必须订定枱， 菜式方面就由厨师发办， 时令海鲜， 菜式全由师傅负责， 每餐大约有8道𩠌， 一定够饱。今晚我地菜单： 顺德式捞鱼生杏汁白肺汤大闸蟹粉扒豆苗椒盐濑尿虾蜜汁火方大同咖哩牛腩鲜虾荷叶饭豉椒蟹油捞面陈皮莲子红豆沙/陈皮臭草绿豆沙顺德式捞鱼生 - 日本鱼生就食得多， 呢款似生菜包配鱼生食就真系第一次。 食法好简单， 将生菜加小小饭再加埋鱼生粒（ 有鲷鱼， 吞拿鱼， 花生， 辣椒等等）捞埋一齐食， 好似农历新年食捞起一样意思。味道感觉清新， 鱼生粒新鲜肥美， 头盘真系好开胃。杏汁白肺汤 - 个汤真系不得了， 香浓杏汁味， 秋风起， 滋阴润燥， 比多几碗我饮就正啦。大闸蟹粉扒豆苗 - 大闸蟹粉超多， 差d 盖过埋d 豆苗， 大闸蟹粉味道香甜， 加埋新鲜豆苗， 送饭一流。椒盐濑尿虾 - 绝顶惹味， 虽然细细只， 但每人最少都食到4只或
全间私房菜得2张大枱，一间Privacy Room, 所以必须订定枱， 菜式方面就由厨师发办， 时令海鲜， 菜式全由师傅负责， 每餐大约有8道𩠌， 一定够饱。
今晚我地菜单：
顺德式捞鱼生杏汁白肺汤
大闸蟹粉扒豆苗
椒盐濑尿虾
蜜汁火方
大同咖哩牛腩
鲜虾荷叶饭
豉椒蟹油捞面
陈皮莲子红豆沙/陈皮臭草绿豆沙
顺德式捞鱼生 - 日本鱼生就食得多， 呢款似生菜包配鱼生食就真系第一次。 食法好简单， 将生菜加小小饭再加埋鱼生粒（ 有鲷鱼， 吞拿鱼， 花生， 辣椒等等）捞埋一齐食， 好似农历新年食捞起一样意思。味道感觉清新， 鱼生粒新鲜肥美， 头盘真系好开胃。
杏汁白肺汤 - 个汤真系不得了， 香浓杏汁味， 秋风起， 滋阴润燥， 比多几碗我饮就正啦。
大闸蟹粉扒豆苗 - 大闸蟹粉超多， 差d 盖过埋d 豆苗， 大闸蟹粉味道香甜， 加埋新鲜豆苗， 送饭一流。
椒盐濑尿虾 - 绝顶惹味， 虽然细细只， 但每人最少都食到4只或以上， 真系快食早享受， 濑尿虾肉质鲜甜， 爽口弹牙。
蜜汁火方 - 好似食三文治咁， 将菠萝 火腿夹住黎食， 菠萝甜味中和返火腿咸味， 2款味道好匹配。
大同咖哩牛腩-牛腩真系无得输， 又软又滑， 入口即溶， 好似食紧和牛咁， 辣味适中。
鲜虾荷叶饭- 蓉叶饭加埋咖哩牛腩嘅汁食又系无得顶， 荷叶清香渗哂入饭里面， 材料又多， 重加埋鸡肝， 真系超香， 加上重有少少饭焦， 正。
豉椒蟹油捞面 - 差不多尾声， 已经超饱， 再加上个独特辣椒蟹油配捞面， 香口， 辣椒籽炒得好香， 又系到无停口的。
陈皮莲子红豆沙/陈皮臭草绿豆沙
2款各有特色， 红豆沙好绵， 绿豆沙真材实料 加埋臭草， 传统甜品， 无得顶。
不得不提老板娘好好服务， 每道𩠌都教我地点食， 今晚真系尽庆而回。
张贴
