八一蕃巴蜀烤魚店 (砵蘭街) (已結業)

Daddy唔钟意食辣，daddy 唔钟意食重香料食品， 但今日系妈妈节，食乜妈妈话事， daddy 陪食。我地叫左一条大边剁椒烤鱼，烤鱼系用草鲩鱼，肉质厚。完全无鯹味，不过多幼骨，食时要注意一点。 剁椒，豆豉，唐芹等舖满全条鱼，一边食肉，一边食莞茜草香菜，超野味。我地加左三十元加多左更多既唐芹，芽菜，金菇，依啲配料劲吸辣，好似将辣提升至另一个境界！另外我想讲，如果只爱辣唔爱麻感觉既朋友，剁椒啱晒你了！唔麻之余，啲红椒有种鲜味，带少少甜，无麻辣味咁覆杂咁多香料，真系无叫错。加埋冰冻啤酒汽水十分爽。我地仲叫左薯粉同墨鱼滑加落鱼内。 薯粉有啲碎唔太完整，不过唔紧要，同辣汁和鱼汁热就辣辣咁捞埋嚟食都止到口瘾。墨鱼滑被碌到唔系太厚所以好快熟，仲唔洗一大旧唔放落口，同样爽口弹牙，都好有鲜味！烧白鳝完全无细骨，皮有啲脆，肉质细嫩，鱼肉都够juicy,烧汁除左甜甜地都潵上少许孜然，味感复杂。今晚妈妈表示满意，系佢想食的，庆幸爸爸都俾左个手指公，令佢对辣野改观左， 下次妈咪生日就可以多个选择了！