季稻 (已結業)

今日去觀塘探望朋友 一行鍾意食辣嘅我又想周圍搵吓有咩好嘢食 見到觀塘開咗間新嘅泰國嘢 門面裝修都幾光鮮 餐牌又唔貴 夜晚都幾多人食 決定試吓坐低先叫咗兩大個鮮甜椰青 好解渴睇吓個餐牌先 選擇好豐富～首先叫咗個我最鍾意嘅冬陰功湯！味道正宗好香香料味 酸辣開胃！ 有好多隻大蝦 主菜我哋叫咗珍寶蟹肉奄列 呢個奄列好有驚喜 好鮮甜蟹肉味 冇諗過蟹肉同埋雞蛋可以咁夾！奄列用鐵板上枱，熱辣辣 加分～另外再嗌咗個泰式腰果炒雞丁 夠鑊氣 腰果香脆 雞丁香口 最後甜品叫咗椰汁馬蹄露為這餐豐富晚餐作結值得一讚嘅係呢度嘅服務好好～