聯記川王涼粉 (已搬遷) 新店位置

本身无辣不欢，成日都好想试联记，之前某个星期六，同男朋友食完三河屋，顺路过埋嚟，佢同隔离间时新都排长龙围满人。不过估唔到佢0既设有座位，原来系系铺位前放一两张枱，有D人仲用发泡胶箱当枱系度食，环境认真麻麻，而且极之唔环保，全部都系发泡胶兜&盒，系度食都系，虽然唔够人手，但咁样真系唔好啰。不过唔紧要，最紧要D嘢好食，难得嚟到，两个人买咗四样嘢(全部小辣)︰口水鸡($40) - 个汁好正，唔会净系得个麻辣，仲有香味，好钟意个汁，鸡份量都OK，但骨比较多啰酸辣粉($16) - ，本身唔系好好酸味0既粉，不过见个个推介就试吓。返到屋企D粉已经吸晒D汤，搞到D粉仲辣咗，浓浓的酸辣味，好味，正~蒜泥白肉($40) - 只有五块，但块块都好大，而且入口唔觉得肥，蒜泥汁好味得嚟唔太辣，正~鸡丝川北凉粉($18) - 未食过川北凉粉想试下，个汁得个辣字，好少鸡丝，而且唔太钟意川北凉粉个质感，爽爽的...见佢个厨房得两个伙记做嘢，而且好多单做到冇停手，仲惊会唔会四个辣汁都一样味，点知又唔会，只只唔同得嚟仲好好味，不过小辣都好辣，男朋友唔食得辣就陪我癫，食到身水身汗，但佢都觉得好好味，好想再食呀