喜鍋 海鮮‧火鍋‧小廚 (已結業)

今晚出咗旺角睇戏，六点几睇完，就周围睇下有咩好食啦。行下行下，就俾呢间喜锅吸引住。虽然天气唔系好冻，但都无阻我地去打边炉（其实系比佢个招牌花胶鲨鱼骨胶原汤锅吸引左！骨胶原㖞）入到去，茶仔咁嘅格局，再加几张卡位，心谂点解打边炉铺头竟然冇大圆枱？！问左下老板，原来大枱同埋房间都系楼上。睇下张食物纸，价钱唔贵㖞，而且餐前小食同汤底都好多选择！汤底好多款都好正，选择困难症又发作。。不过既然一心要试骨胶原汤锅，咁其他就留返下次啦 （杏汁炖猪肺锅真系好吸引。。）老板叫我地like Facebook, 跟住就送咗个麻酱冰菜俾我哋，淸新醒胃！我哋叫咗蟹籽墨鱼油炸鬼。呢个小食上枱热辣辣，油炸鬼香脆，墨鱼滑爽口弹牙，再加埋面头d蟹籽，口感非常丰富，真系必食嘅小食。跟住其他打边炉嘅嘢都上枱啦！成枱都系嘢食几开心讲返个汤底先，真系非常足料，花胶、鲨鱼骨、猪手、鸡脚等等，汤头好鲜味，未开始打边炉已经各人饮左两碗汤同食咗好多汤料呢个马贝系时令海鲜，又系必食推介，师傅已经切左片，渌10几秒就食得！味道鲜甜，肉质爽脆，唔点任何调味料食就最正。呢碟顶级安格斯牛颈脊劲抵食，$168系细size嘅份量，但其实都有好多好多片