影片
更多
2018-07-19
2862 浏览
廿多年朋友饭聚被超无礼貌侍应破坏气氛😡其实之前都有来过吃饭，亦遇唔同既侍应，本来接待已未算特别有礼（或许系因为我对又一城既食店多想了），但昨晚遇到有位侍应阿姐，佢绝对系超级赶客既高手😡我地一行14人（本来15），订枱时已经问佢有无大枱可以坐15人，佢话无问题，但唔知好彩定唔好彩，有一个朋友嚟唔到，事关佢既所谓15人枱，我地14个人坐都争啲唔郁得😬（备注：我谂应该唔系同一位侍应阿姐接电话既，如果唔系，可能我已经唔会嚟呢度食饭）之后点菜喇！由于未到齐所以先请侍应帮我地留一个冬瓜盅先，侍应阿姐既即时回覆系「哗！你地咁多人，一个冬瓜盅边够食呀！」😐其实我地全女班，而且占一半人既食量系小猫咁，所以无谂过会唔够食，跟住问她大约分到几碗，佢话「8」碗左右，于是我地有礼地回应左个侍应，话唔紧要，还有其他𩠌菜，最终决定照落一个单。齐人后，我地就再叫左12个𩠌菜（因为之前嚟过，都知呢度碟头细，所以都叫多几款菜式），以下系我地呢餐饭点左既菜式：1. 冬瓜盅—-呢个要多谢魔术师侍应阿姐，因为最后佢将只可分8碗左右既冬瓜盅分出满满既14碗😬👍🏼2. 马友咸鱼鸡粒豆腐煲—-炸豆腐可能太细粒，所以炸完再炆一炆后硬了
其实之前都有来过吃饭，亦遇唔同既侍应，本来接待已未算特别有礼（或许系因为我对又一城既食店多想了），但昨晚遇到有位侍应阿姐，佢绝对系超级赶客既高手😡
我地一行14人（本来15），订枱时已经问佢有无大枱可以坐15人，佢话无问题，但唔知好彩定唔好彩，有一个朋友嚟唔到，事关佢既所谓15人枱，我地14个人坐都争啲唔郁得😬（备注：我谂应该唔系同一位侍应阿姐接电话既，如果唔系，可能我已经唔会嚟呢度食饭）
之后点菜喇！由于未到齐所以先请侍应帮我地留一个冬瓜盅先，侍应阿姐既即时回覆系「哗！你地咁多人，一个冬瓜盅边够食呀！」😐其实我地全女班，而且占一半人既食量系小猫咁，所以无谂过会唔够食，跟住问她大约分到几碗，佢话「8」碗左右，于是我地有礼地回应左个侍应，话唔紧要，还有其他𩠌菜，最终决定照落一个单。
齐人后，我地就再叫左12个𩠌菜（因为之前嚟过，都知呢度碟头细，所以都叫多几款菜式），以下系我地呢餐饭点左既菜式：
1. 冬瓜盅—-呢个要多谢魔术师侍应阿姐，因为最后佢将只可分8碗左右既冬瓜盅分出满满既14碗😬👍🏼
2. 马友咸鱼鸡粒豆腐煲—-炸豆腐可能太细粒，所以炸完再炆一炆后硬了点，同埋啲咸鱼一啲咸鲜味都无，讲真茶记既咸鱼鸡粒炒饭啲咸鱼粒都好食过佢😐👎🏼
3. 蒜香银丝带子蒸翠玉瓜—-呢个菜式🤔ummm......一小堆翠玉瓜加左一pat捞左瑶柱丝+好配合女士樱桃小咀既加加细码碎带子粒既「重」茨，讲完！
4. 花雕豉油鸡煲—-这道菜式不过不失，但应该删去「花雕」两个字。呢个菜上枱时，侍应阿姐还附带一句全枱人都听到既中恳说话：「咁少，一人一旧都无」🤔其实呢句说话，佢系咪向我地反映紧，佢对佢公司既无良经营食店既不满呢？不过我真系帮佢唔到，只能请佢直接向公司反映😐
5. 清蒸沙巴龙趸仔—-鱼系蒸得唔错既😊👍🏼好彩呢度还有蒸鱼好食既厨师，如果唔系.....,侍应阿姐应该好快另谋高就了😬
6. 家乡肉崧茄子煲—-呢个同条鱼系一set既，肉碎+茄子+「重」茨+劲油.... 讲完！
7. 蟹肉海皇蒸蛋白—-呢度菜应该系个人全晚感觉最良好既菜式，因我钟意食豆腐😜
8. 姜葱豆卜鱼云煲—-普普通通，无乜特别
9. 鱼汤樱花虾鱼米浸胜瓜—-呢个鱼汤也不太差，而且有好多肉碎，个人觉得捞饭食最啱😁。不过可惜侍应阿姐并唔系咁谂🤨事关佢可能太忙，一行埋嚟问都唔问，就将尚有不少肉碎既鱼汤倒左落旁边其他菜汁中一拼收起，将我正计划用来捞饭既鱼汤肉碎夺走了，呢个时候我忍唔住话「aiya....仲有好多肉碎㗎！」，于是侍应阿姐用佢一贯「亲民」既语气话「吓！我点知你仲要啫！」......抱歉，可能我实在太想食肉碎鱼汤捞饭，这下子我真系太失望，所以我用左好认真既语气同侍应阿姐讲「你唔知你唔问？」，可能侍应阿姐都感受到我𠮶种失落和无奈，于是佢唯有同我讲「唔好意思啰！」😭😭😭😭😭咁样我就无左鱼汤捞饭喇！
10. 烧汁带子牛柳粒—-一堆松肉粉味牛肉粒+几粒带子外形但无鲜味既带子，完！
11. 乳猪三拼—-我地拣左叉烧+烧肉拼乳猪，呢个烧味拼盆虽然有点贵，但三样烧味都几好食😊👍🏼
12. 卤水五式拼盆—-呢个呢🤔我只食左其中既卤鸭舌同几粒卤花生，感觉不太咸，唔错既，但我个人较喜欢爽口一点既鸭舌
13. 瑶柱鲜虾荷叶饭—-呢个都算系一个几有趣既荷叶饭🤔事关佢既重点并唔系荷叶饭，而系佢既「鲜虾」😊点解我咁讲呢？系因为我经验过既「鲜虾荷叶饭」既鲜虾，通常都将虾切粒混入饭中，但唔知系唔够人手切虾，还是原只虾舖上荷叶饭面系呢度既特色呢？我只见荷叶饭上舖著几只面色带点苍白既「虾」，而且食落，个人觉得比平时食既荷叶饭「削」🤔
记趣：话说我满心欢喜地准备食我碗冬瓜盅汤时，侍应阿姐好语重心肠+即时动作咁将我个吉碗同碗汤对调了位置，然后话「咁样放悭返啲位置嘛！」🤔其实两个碗系一样大小的，对调位置后，可能我太蠢，我真系睇唔出悭左啲咩位出嚟，其次系......点解要悭啲位出嚟呢？啲𩠌菜都全放在转盘上，点解我食野既位置要悭啲位出嚟呢？定侍应阿姐担心我唔够位食野呢？亦或是侍应阿姐又想向我反映佢对公司既不满呢？可惜呢一连串既疑问，我都未能得到答案，实是遗憾😔
以下有几句深情说话想同侍应阿姐讲：
侍应阿姐，我十分欣赏你对公司服务质素同菜式份量既自评，你只欠缺了一点向公司直接反映既勇气，如果你能够以对我地讲野时那份直率无礼既语气加上那欠笑容又带点不屑既嘴脸来跟公司上层反映，相信公司一定会对你另眼相看的。
张贴
