影片
更多
2024-03-26
219 浏览
Happy Friday同一班同事去到铜锣湾嘅牛之锅，夜晚有三个set可以拣，我哋就拣咗B餐任食，除咗包括A餐嘅海鲜同其他火锅配料、甜品，仲会包括B餐嘅刺身、寿司、炸物、沙律、烧物，超多选择，食到饱一饱先走。餐厅正在大枱够多，好似我哋一大班人嚟到都唔怕冇位，火锅酱料好多选择，平时少见嘅泰式生虾酱呢度都见到，够晒特别。一坐低梗系嗌盘刺身食吓先啦，刺身好新鲜，款式都唔少，我哋嗌咗三文鱼、带子、甜虾、生虾、赤背、希灵鱼，我哋落几多就会嚟几多，绝对无漏单嘅情况出现。我哋都好推介烧物嘅款式，一上枱热辣辣，好有风味，最钟意系盐烧海虾、串烧鸡软骨、烧多春鱼，同埋烧菠萝，我哋嗌完一轮又一轮，越食越滋味。沙律同前菜都好出色，份量少少可以试多几款，推介蟹籽沙律、海蜇同埋泰式凤爪，食得好满足。火锅嚟讲汤底都好紧要，呢度系一人一锅，其中推介花胶荳香鱼汤同埋冬阴功汤，两款汤都特别浓郁，而且出边亦都少见，嚟到必定要试一试。又点可以唔讲吓啲配料呢，海鲜方面有任食鲍鱼同帆立贝，用料新鲜，仲有其他超过30款嘅配料，实有啱食嘅选择！甜品方面，餐厅都有惊喜，有好多出边任食火锅少见嘅选择，包括芭菲、杨枝甘露、榴梿班戟、软雪糕
一坐低梗系嗌盘刺身食吓先啦，刺身好新鲜，款式都唔少，我哋嗌咗三文鱼、带子、甜虾、生虾、赤背、希灵鱼，我哋落几多就会嚟几多，绝对无漏单嘅情况出现。
我哋都好推介烧物嘅款式，一上枱热辣辣，好有风味，最钟意系盐烧海虾、串烧鸡软骨、烧多春鱼，同埋烧菠萝，我哋嗌完一轮又一轮，越食越滋味。
沙律同前菜都好出色，份量少少可以试多几款，推介蟹籽沙律、海蜇同埋泰式凤爪，食得好满足。
火锅嚟讲汤底都好紧要，呢度系一人一锅，其中推介花胶荳香鱼汤同埋冬阴功汤，两款汤都特别浓郁，而且出边亦都少见，嚟到必定要试一试。
又点可以唔讲吓啲配料呢，海鲜方面有任食鲍鱼同帆立贝，用料新鲜，仲有其他超过30款嘅配料，实有啱食嘅选择！
甜品方面，餐厅都有惊喜，有好多出边任食火锅少见嘅选择，包括芭菲、杨枝甘露、榴梿班戟、软雪糕窝夫、绵绵冰等等，就好似去咗糖水舖一样，食得好满足。
张贴
