影片
更多
2021-10-09
3262 浏览
每次黎荃湾行街，食饭时候朋友就会带我嚟呢幢大厦，今日佢就带我去食佢最钟意嘅火锅。呢间餐厅系食台式火锅，地方够晒大，全层都系佢。呢度环境光猛，开扬，干净整齐，坐得阔落又舒服。呢度除左牛、猪同海鲜扫QR code点之外，其余都响出面攞。出面嘢食摆放整齐，唔会立立乱，种类又多，干净企理，呢度仲有罐装或自斟啤酒添。先叫左鸳鸯煲汤底，我哋拣左胡椒猪肚汤锅同西红柿洋葱海皇锅。胡椒猪肚汤带少少胡椒微辣，好多酸菜，味道几好。另外西红柿其实系蕃茄，呢个汤底甜甜地，味道超浓，配料放呢边连豉油都唔驶点，够晒味道。呢度有四款牛拣，美国prime顶级牛梅花， 美国choice无骨牛小排，美国CAB认证安格斯黑牛同美国精选牛五花。各款牛都切得薄薄，朋友就特别钟意美国CAB认证安格斯黑牛，佢话食落有质感，渌到熟晒一d都唔韧，牛味重。其余质素都好好，肥瘦均匀，一样好食。是日海鲜有虾有蚬，虾同蚬size普通，但两款都新鲜，入口带鲜味，都几好。食完牛同海鲜，咁就再食其他火锅配料。朋友随便攞左d丸，菇同菜之类。呢度d丸几好食，种类又够多。鱼皮饺外皮够烟韧，滑牛食落厚实，但软熟。菜就攞左生菜，新鲜，洗得几干净，入口爽口。呢度
呢间餐厅系食台式火锅，地方够晒大，全层都系佢。呢度环境光猛，开扬，干净整齐，坐得阔落又舒服。
呢度除左牛、猪同海鲜扫QR code点之外，其余都响出面攞。出面嘢食摆放整齐，唔会立立乱，种类又多，干净企理，呢度仲有罐装或自斟啤酒添。
先叫左鸳鸯煲汤底，我哋拣左胡椒猪肚汤锅同西红柿洋葱海皇锅。胡椒猪肚汤带少少胡椒微辣，好多酸菜，味道几好。另外西红柿其实系蕃茄，呢个汤底甜甜地，味道超浓，配料放呢边连豉油都唔驶点，够晒味道。
呢度有四款牛拣，美国prime顶级牛梅花， 美国choice无骨牛小排，美国CAB认证安格斯黑牛同美国精选牛五花。各款牛都切得薄薄，朋友就特别钟意美国CAB认证安格斯黑牛，佢话食落有质感，渌到熟晒一d都唔韧，牛味重。其余质素都好好，肥瘦均匀，一样好食。
是日海鲜有虾有蚬，虾同蚬size普通，但两款都新鲜，入口带鲜味，都几好。
食完牛同海鲜，咁就再食其他火锅配料。朋友随便攞左d丸，菇同菜之类。呢度d丸几好食，种类又够多。鱼皮饺外皮够烟韧，滑牛食落厚实，但软熟。菜就攞左生菜，新鲜，洗得几干净，入口爽口。
呢度甜品种类好多，雪糕雪条同埋糯米糍都系香港制造。海盐雪糕好靓，系海蓝色架，味道咸咸地，少少甜，几得意。荔枝雪条似冰条，甜甜地。另外仲有细细个韩国嘅脆皮雪糕批，一口一啖，刚刚好。
除左雪糕，原来仲有香蕉pancake，有惊喜，所以都攞左个返黎食。呢个pancake食落仲系暖暖地，有忌廉，但又唔太甜㖞，几好食。张贴
