串王之王 - 正宗成都串串火鍋 (已結業)

自问平时食开火锅放题, 无论系日式, 台式或中式都唔算少, 不过今次有位朋友就带左我去一间食串串嘅火锅放题店食饭, 都真系几特别吓！先讲餐厅位置, 位于大街地铺, 地铁站上黎行一阵就到, 好易揾。餐牌有分散叫同任食两款, 我建议拣放题, 咁先至食得痛快啲架嘛！餐厅细心位系佢已经准备左一次性围裙, 包唔会整污槽你啲靓衫。打咭位系佢包湿纸巾, 当你见到个包装同上面写嘅字, 你就会知点解架啦, 依个等各位自己发掘一下 由于本人唔食得太辣, 朋友特登就我拣左两个都唔辣嘅汤底, 其中蕃茄味果个我比较钟意。嘢食就大部分放哂系餐厅较入嘅一个大冷柜上面, 见款式都真系几多下, 主要有串串, 较上位置有一盘盘已经分好嘅菜盘, 仲有不同种类嘅面, 有啲我都系第一次见。不过最要留意嘅系最下层, 有好多唔同嘅海鲜, 好似蚬, 虾同鱼之类, 同我觉得最值回票价嘅雪花牛, 睇啲纹就知系靓嘢啦！由于我第一次食, 侍应都有介绍下一啲特别嘅嘢等我地试下, 例如系可以当餐前小食嘅串王酥肉, 好入味, 有啲似台式炸猪扒。火锅料我就专攻串串, 同两种牛, 除左雪花牛超好味外, 另一只牛都唔错, 串串嘅种类就真系太多, 不能尽