影片
更多
2022-09-05
65 浏览
呢排爱上食Weekend Brunch，放假瞓到自然醒，再食一个丰富嘅早午餐，配埋酒chill一chill，就系度过周末最好嘅方法！一直听过湾仔锋膳嘅大名，原来姊妹店井巷子推出咗川菜香槟3小时任饮早午餐，就相约阿妹一齐食个靓brunch！Weekend Brunch 每位$950free flow有3款选择：－G.H Mumm Grand Cordon NV （+$100）－Sake IWA Assemblage （+ $530）－Dom Pérignon Vintage 2012 （+$1,030）Dom Perignon Vintage 2012被誉为世上最好嘅葡萄酒，本身一枝都要二千几蚊，而家一半价钱有得free flow其实都几抵饮。我哋拣咗最basic嘅G.H Mumm Grand Cordon NV，虽然系入门级，但质素都已经好唔错，Mumm系我哋好钟意嘅牌子，入口清新舒爽，泡泡绵密细致！店员主动性好强，不时主动同我哋refill，我哋每人饮咗3－4杯，净系饮酒其实都已经值回大部分票价啦！头盘（壹）：－西班牙向日葵甘栗豚叉烧－井巷子片皮鸭西班牙向日葵甘栗豚叉烧半肥瘦，豚肉肉
Weekend Brunch 每位$950
free flow有3款选择：－G.H Mumm Grand Cordon NV （+$100）
－Sake IWA Assemblage （+ $530）
－Dom Pérignon Vintage 2012 （+$1,030）
Dom Perignon Vintage 2012被誉为世上最好嘅葡萄酒，本身一枝都要二千几蚊，而家一半价钱有得free flow其实都几抵饮。我哋拣咗最basic嘅G.H Mumm Grand Cordon NV，虽然系入门级，但质素都已经好唔错，Mumm系我哋好钟意嘅牌子，入口清新舒爽，泡泡绵密细致！店员主动性好强，不时主动同我哋refill，我哋每人饮咗3－4杯，净系饮酒其实都已经值回大部分票价啦！
头盘（壹）：
－西班牙向日葵甘栗豚叉烧
－井巷子片皮鸭
西班牙向日葵甘栗豚叉烧半肥瘦，豚肉肉质松化，入口即溶！
片皮鸭系井巷子招牌，做得好好食，店员介绍话片皮鸭用上北京鸭种，以恒温柜熟成48小时，难怪如此有肉味！
头盘（贰）（每人任选4款，无限添加）：
－炸排骨（西班牙向日葵甘栗豚）
－夫妻肺片
－脆皮茅台乳鸽
－川味牛展
－烟熏肥肠
－手拍XO酱青瓜
－凉拌25年黑醋老鼠耳
－怪味酱口水鹅翼
－青城腊肠菜花
头盘（二）有9个选择，款款都好吸引，要拣4款，真系忍唔住选择困难症发作！店员好好人咁话每款都上一碟，比我哋一次过试晒，劲开心！脆皮茅台乳鸽必食，系我食过最好食嘅乳鸽！个皮脆卜卜，乳鸽肉嫩滑有汁，入口带有淡淡嘅茅台酒香，正！
炸排骨嘅炸桨薄脆，用上西班牙向日葵甘栗豚，肉质爽弹结实。
烟熏肥肠系邪恶之选，上台时会打开玻璃盖，飘来阵阵烟熏香。难得嘅系炸大肠唔会炸得油腻或有油益味！
怪味酱口水鹅翼甚有惊喜，鹅翼皮好Q弹，沾满甜香又带点麻辣嘅怪味酱，非常惹味！如果想食D清爽D嘅，青城腊肠菜花同凉拌25年黑醋老鼠耳都系唔错嘅选择！
主菜（每人6款选一款)
-皱皮椒酸菜煮英国鲈鱼(+$100)
-腰果辣子鹌鹑脾
主菜好多都好特别，再一次选择困难症发作！最好试咗店员推荐嘅皱皮椒酸菜煮英国鲈鱼及腰果辣子鹌鹑脾，果然无介绍错！酸菜鱼用上英国鲈鱼，鱼块大件厚肉，肉质嫩滑之余又结实弹牙，口感十足！汤底唔会过酸或过辣，反而鲜味比较突出，皱皮椒酸辣开胃，我自己就好钟意！
辣子鸡就见得多，辣子鹌鹑脾真系第一次见！鹌鹑脾用上澳洲农场出品，炸得薄脆，内里好嫩滑，渗满香料嘅香味，但又唔会好辣！
主食（每人选一款）
－剁椒花胶捞饭
－酸菜海参龙虾球手工面
主食一次过试晒剁椒花胶捞饭及酸菜海参龙虾球手工面。剁椒花胶捞饭令我谂起城中另一间中法fusion餐厅嘅招牌菜，未食过𠮶间星级餐厅，但井巷子嘅出品叫人惊喜！剁椒花胶捞饭份量慷慨，铺满花胶，毫不欺场。厚切花胶条炒香至油香弹滑，饭粒沾满酸辣鲜香嘅剁椒酱汁，绝妙！
酸菜海参龙虾球手工面都好有诚意，手工面口感弹牙，龙虾粒份量好多，加上爽滑弹牙嘅海参，用料矜贵！
甜品
最后以四川著名甜品冰粉作结，冰爽美味！
食物整体好高质，食物用料全部都一丝不苟。 食完呢个weekend brunch，真系饱到唔驶食晚餐！呢个Brunch可以一次过试晒餐厅多款招牌菜，仲有3小时任饮香槟，好抵食！假日早午餐分2个时段，有兴趣记得提早订枱！
Section A: 11:30 - 14:30
Section B: 15:00 - 18:00
张贴
