影片
更多
2023-08-30
22 浏览
少有地嚟葵芳唔系喺葵广扫街，行远啲啲嚟到呢间日本餐厅，星期五晚7点到已经有几个人等紧位，应该系做街坊生意为主。▫️鹿儿岛便当 ($92) 4/5便当包括刺身三款、汁煮猪软骨、吉列大虾同味付螺肉，饭可以拣烧汁或咖哩饭，仲可以加钱转唔同口味嘅乌冬。吉列虾有两大只，炸皮唔厚食落松脆，猪软骨煮得入味，但略嫌肉质煮得有啲柴。▫️春田便当 ($108) 4/5呢款便当包括刺身三款、照烧脆骨鸡肉丸子、鳗鱼同味付螺肉，我拣咗咖哩饭，饭同咖哩汁嘅份量都超多，啖啖饭都食到浓浓嘅咖哩汁。鳗鱼有4旧，肉质厚实冇骨，鸡肉丸弹牙，咬落口感爽脆，用照烧汁调味甜甜哋几好食。呢度嘅便当都超丰富，又有鱼生又有多款熟食，食物款式多元化，满足晒我食日本嘢嘅几个愿望，经过葵芳不妨试吓💖Overall rating (5粒⭐️为满分)味道：⭐️⭐️⭐️⭐️服务：⭐️⭐️⭐️⭐️环境：⭐️⭐️⭐️⭐️性价比：⭐️⭐️⭐️⭐️
▫️鹿儿岛便当 ($92) 4/5
便当包括刺身三款、汁煮猪软骨、吉列大虾同味付螺肉，饭可以拣烧汁或咖哩饭，仲可以加钱转唔同口味嘅乌冬。吉列虾有两大只，炸皮唔厚食落松脆，猪软骨煮得入味，但略嫌肉质煮得有啲柴。
▫️春田便当 ($108) 4/5
呢款便当包括刺身三款、照烧脆骨鸡肉丸子、鳗鱼同味付螺肉，我拣咗咖哩饭，饭同咖哩汁嘅份量都超多，啖啖饭都食到浓浓嘅咖哩汁。鳗鱼有4旧，肉质厚实冇骨，鸡肉丸弹牙，咬落口感爽脆，用照烧汁调味甜甜哋几好食。
呢度嘅便当都超丰富，又有鱼生又有多款熟食，食物款式多元化，满足晒我食日本嘢嘅几个愿望，经过葵芳不妨试吓💖
Overall rating (5粒⭐️为满分)
味道：⭐️⭐️⭐️⭐️
服务：⭐️⭐️⭐️⭐️
环境：⭐️⭐️⭐️⭐️
性价比：⭐️⭐️⭐️⭐️
张贴
