影片
更多
2025-01-07
635 浏览
提早食团年饭, 今晚就同家人去将军澳PopCorn新开呢间叹咗餐超丰富嘅台式火锅放题。一共有五个套餐价钱选择, 数款汤底自选, 其中将军澳店设主题汤底 - 佛跳墙汤底 (+$28升级)餐厅大部份为卡位, 坐得舒适; 自助区设于餐厅中央位置, 阔落企理, 店员不定时refill食物。而自助区放有火锅食材, 包括有酱料区、菜蔬、丸类、面食、台式熟食、雪糕雪条、台式芋圆, 而饮品放满几个大雪柜, 汽水、啤酒、果汁、冷泡茶等….我地拣咗三款汤底, 每款都好足料, 食完都冇口喝, 证明唔系味精汤。+$28 椰子鸡锅: 汤底味道清甜润喉, 鸡件嫩滑。+$18 风味沙茶老锅: 沙茶味香浓, 香气朴鼻。+$28佛跳墙汤底: 有鲍鱼、海参、鸡件、香气独特嘅药材配料, 例如杞子、红枣、冬瓜、栗子等。Order佛跳墙汤底仲有呢个毛巾公仔送。我地拣咗---LV5殿堂日本A4和牛海鲜 套餐主打嘅日本A4黑毛和牛, 色泽粉嫩, 牛脂纹理分布平均, 肉质鲜嫩。之后我地再encore咗碟。LV5套餐可以尽享餐厅所有肉类, 有齐多款牛、豚肉、羊、鸡。卡乐BEEF(牛五花): 牛脂虽少, 不过肉质不带筋, 没有咬口感。牛
一共有五个套餐价钱选择, 数款汤底自选, 其中将军澳店设主题汤底 - 佛跳墙汤底 (+$28升级)
餐厅大部份为卡位, 坐得舒适;
自助区设于餐厅中央位置, 阔落企理, 店员不定时refill食物。而自助区放有火锅食材, 包括有酱料区、菜蔬、丸类、面食、台式熟食、雪糕雪条、台式芋圆, 而饮品放满几个大雪柜, 汽水、啤酒、果汁、冷泡茶等….
我地拣咗三款汤底, 每款都好足料, 食完都冇口喝, 证明唔系味精汤。
+$28 椰子鸡锅: 汤底味道清甜润喉, 鸡件嫩滑。
+$18 风味沙茶老锅: 沙茶味香浓, 香气朴鼻。
+$28佛跳墙汤底: 有鲍鱼、海参、鸡件、香气独特嘅药材配料, 例如杞子、红枣、冬瓜、栗子等。
Order佛跳墙汤底仲有呢个毛巾公仔送。
我地拣咗---LV5殿堂日本A4和牛海鲜 套餐
主打嘅日本A4黑毛和牛, 色泽粉嫩, 牛脂纹理分布平均, 肉质鲜嫩。
之后我地再encore咗碟。
LV5套餐可以尽享餐厅所有肉类, 有齐多款牛、豚肉、羊、鸡。
卡乐BEEF(牛五花): 牛脂虽少, 不过肉质不带筋, 没有咬口感。
牛爽腩: 口感烟韧软糯
牛舌芯薄切, 口感爽弹。
任食海鲜类同样多选择, 珊瑚蚌、鲍鱼已清除内脏, 口感爽弹, 虎虾大大只, 爽弹有鲜味;
鳝片厚切, 爽脆有鳝独有嘅鲜味。
鱿鱼爽弹。
台式小食款式多, 但眼阔肚窄只系食到蚵仔煎、府城虾卷、金沙芋泥球。
饮品方面除咗有自助区外, QR code order仲有数款台式饮品, 例如黑糖珍珠奶茶、鸭屎香柠檬茶同埋手工啤。
标榜120分钟限时任饮任食, 非繁忙时间都唔会催促交台, 限时前20分钟截单都可以继续慢慢食, 服务方面待客有礼, 食物黎得又快又齐, 不错的用餐体验。
张贴
