鍋心八鮮蒸鍋 (已結業)

之前帮衬过锅心粥底火锅同海鲜烧，海鲜质素高而且价钱合理，每次都好满意，所以今次试下呢间蒸海鲜。点餐形式同海鲜烧相似，都系拣龙虾或蟹，然后再拣六款海鲜，每款海鲜都可以拣清蒸、金银蒜或者其他酱料。一坐低未落单店员就送上炖汤，系冬瓜螺头瘦肉炖汤，味道清甜第一款蒸海鲜系蒜蓉龙虾，龙虾爽口弹牙有鲜味，而且比想像中大只鲍鱼拣咗泰酱，泰酱系餐厅自制，好香辣椒味带少辣。鲍鱼都好大只厚肉，而且蒸得啱啱好唔会韧，味道鲜甜蒜蓉蒸元贝超级鲜甜，如果有粉丝就更好喇蛏子洗得干净完全无沙，拣咗豉汁蒸味道好夹，而且都几大只金银蒜开边海虾虽然比较细只，但肉质弹牙好新鲜，配埋金银蒜好正金银蒜花蚌比较细只，但都好鲜甜。韩酱猪肋条好有惊喜，估唔到咁好味！韩酱有少少辣，猪肋条边位带点油脂，腌得好入味海鲜以清蒸蟹作结尾，每人有半只。肉蟹新鲜，蟹盖有好多蟹膏食完海鲜就到八宝蒸饭喇，配料选择好多，好多款都好吸引。我哋拣咗虾酱猪腩肉、柱侯牛粒、沙嗲猪颈肉、香滑鸡柳、腊肠、䈑笋、芋头同爽口咸酸菜。虾酱猪腩肉、沙嗲猪颈肉同滑鸡柳都好好味由于食完海鲜已经好饱，所以自备咗饭盒带走半锅饭。最后仲有糖水送，系冻嘅木瓜雪耳糖水。整体嚟讲食物质素几好